ۋكراينانىڭ ءتورت ايماعىنىڭ تاعدىرى قالاي بولماق

استانا. قازاقپارات - مەملەكەتتىك دۋما ۋكراينانىڭ زاپوروجە جانە حەرسون وبلىستارى، سونداي- اق ءوزىن- ءوزى جاريالاعان دونەتسك جانە لۋگانسك حالىق رەسپۋبليكالارىنىڭ رەسەي قۇرامىنا قوسىلۋى تۋرالى كەلىسىمدى قولداپ داۋىس بەردى، دەپ حابارلايدى «حابار 24».

كەشە ونى شۇعىل تۇردە كونستيتۋتسيالىق سوت ماقۇلداعان. ەندى قۇجات فەدەراتسيا كەڭەسىنىڭ قاراۋىنا جىبەرىلەدى. زاڭعا سايكەس ەندى بۇل 4 وڭىردە ورىس ءتىلى مەملەكەتتىك ءتىل سانالادى. دەسە دە بيلىك تۇرعىندارعا تۋعان ءتىلىن ساقتاپ قالۋعا كەپىلدىك بەرەدى.

ايتا كەتكەن ءجون، 23-27- قىركۇيەك ارالىعىندا ۋكراينانىڭ اتالعان ءتورت ايماعىندا رەفەرەندۋم وتكەن ەدى. جەرگىلىكتى بيلىكتىڭ بەرگەن مالىمەتىنە سايكەس حالىقتىڭ كوبى رەسەي قۇرامىنا كىرۋدى قولداپ داۋىس بەرگەن. ءسويتىپ 30- قىركۇيەكتە ۆلاديمير پۋتين ءتيىستى كەلىسىمگە قول قويدى. الايدا الەمدىك قاۋىمداستىق رەفەرەندۋم ناتيجەسىن مويىنداماي، كرەمل باسشىسىنىڭ شەشىمىن سىنعا الدى.

www.24.kz