لاتۆيادا رەسەيشىل پارتيا پارلامەنتكە وتپەدى

استانا. قازاقپارات - لاتۆيا حالقى دا پارلامەنت دەپۋتاتتارىن تاڭدادى، دەپ حابارلايدى «حابار 24».

الايدا ونىڭ قورىتىندىسى كوپكە توسىنسىي بولدى. نەگە دەسەڭىز، سوڭعى جىلدارى ۇنەمى جەڭىسكە جەتىپ جۇرگەن «كەلىسىم» پارتياسى بۇل جولى 5 پايىزدىق مەجەدەن اسا الماي قالدى. ءسويتىپ سەيمگە، ياعني پارلامەنتكە وتە المادى. ونىڭ سەبەبى اتالعان پارتيانىڭ رەسەيشىل بولۋىمەن بايلانىستى.

جالپى لاتۆياداعى سايلاۋ ەۋروپاداعى ەنەرگەتيكالىق داعدارىس پەن ۋكرايناداعى قارۋلى قاقتىعىس ءورشىپ تۇرعان كەزدە وتكەندىكتەن، كەيبىر پارتيالار ءوز باعدارلاماسىندا ۇلتتىق قاۋىپسىزدىكتى كۇشەيتىپ، باتىسقا بەتبۇرىس جاساۋ دەگەن ماسەلەلەردى كوتەرگەن بولاتىن. سوندىقتان رەسمي كيەۆتى قولداپ، رەسەيدىڭ وقشاۋلانۋىن جاقتايتىن «جاڭا بىرلىك» پارتياسى جەڭىسكە جەتتى. وعان سايلاۋشىلاردىڭ 19 پايىزى داۋىس بەردى.

www.24.kz