كومىردى بانكتىك موبيلدى قوسىمشا ارقىلى ساتىپ الۋعا بولادى - مينيسترلىك

None
استانا. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى ەكىنشى دەڭگەيلى بانكتەرمەن بىرلەسىپ، الەۋمەتتىك كومىردى ءبىرقاتار قارجى جانە ساۋدا ۇيىمدارىنىڭ موبيلدىك قوسىمشالارى ارقىلى ساتۋدى ۇيىمداستىرۋ بويىنشا جۇمىس جۇرگىزۋدە.

ق ر يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنىڭ حابارلاۋىنشا، بۇگىن Halyk Bank-پەن بىرلەسىپ، پيلوتتىق رەجيمدە Halyk Market تە «كاز ينتەر كومىر» ج ش س- ءنىڭ قاتتى وتىنىن ساتۋ ىسكە قوسىلدى.

بۇل كاسىپورىن قوستاناي وبلىسىنىڭ 10 اۋدانىن كومىرمەن قامتىپ وتىرعان وڭىرلىك وپەراتور بولىپ تابىلادى.

موبيلدى قوسىمشا ارقىلى ساتۋ نۇكتەسىن، كومىردىڭ قاجەتتى ماركاسىن جانە كولەمىن تاڭداۋ مۇمكىندىگى بار. سونىمەن بىرگە ونلاين تولەم جاساپ، تاۋاردى 3 ايدان 6 ايعا دەيىن ءبولىپ تولەۋگە بولادى.

اتالعان زاماناۋي شەشىم قاتتى وتىندى تىكەلەي جانە كەزەكسىز ساتىپ الۋعا، سونداي-اق حالىقتىڭ جىلىتۋ ماۋسىمىنا دايىندىعىن ايتارلىقتاي جەڭىلدەتۋگە مۇمكىندىك بەرەدى.

ءتيىستى جۇمىستار باسقا دا وڭىرلەردە جۇرگىزىلەتىن بولادى. قازىرگى ۋاقىتتا اتالعان پلاتفورماعا الماتى قالاسىنداعى كومىر وپەراتورى دا قوسىلۋدا.

سوڭعى جاڭالىقتار