قازاقستاندا جوعارى جالاقىنى كىمدەر الادى؟
3 قازان, 19:20

قازاقستاندا جوعارى جالاقىنى كىمدەر الادى؟

استانا. قازاقپارات - OLX.kz سەرۆيسىنىڭ ساراپشىلارى 2022-جىلدىڭ توعىز ايىنداعى قازاقستاندىق ەڭبەك نارىعىنا باعا بەردى، - دەپ حابارلايدى mgorod.kz.

نارىقتاعى جوعارى اقى تولەنەتىن ماماندىقتار - ءتىس دارىگەرى (ورتاشا ۇسىنىلاتىن جالاقىسى 1 ميلليون تەڭگە) جانە جۇك كولىگىنىڭ جۇرگىزۋشىسى (930 مىڭ تەڭگە).

«جۇرگىزۋشى» ماماندىعى جۇمىس بەرۋشىلەر اراسىندا دا، جۇمىس ىزدەۋشىلەر اراسىندا دا سۇرانىسقا يە. ونىڭ قازاقستانداعى ورتاشا جالاقىسى - 175 مىڭ تەڭگە. سونداي-اق، العاشقى ۇشتىكتە - جۇك تيەۋشى مەن شەبەرلەر.

ساراپشىلار جۇمىس بەرۋشىنىڭ باسىم كوپشىلىگى ءۇشىن جۇمىس تاجىريبەسى ماڭىزدى ەمەس ەكەنىن انىقتادى. جۇمىس بەرۋشىلەردىڭ 77 پايىزى تولىق جۇمىس كۇنىن، 57 پايىزى جارتىلاي تولىق جۇمىس كۇنىن، 20 پايىزى تولىق ەمەس جۇمىس كۇنىن ىزدەيدى. جۇمىس بەرۋشىلەردىڭ 19 پايىزى اۋىسىمدىق جانە 23 پايىزى يكەمدى جۇمىس كەستەسىن ۇسىنۋعا دايىن. جۇمىس بەرۋشىلەردىڭ تەك 2 پايىزى جوبالىق نەمەسە ۋاقىتشا جۇمىس ۇسىنادى.

ءبىر قىزىعى، جۇمىس بەرۋشىلەردىڭ 1 پايىزدان دا ازى قاشىقتان جۇمىس ىستەۋ مۇمكىندىگىن بەرە الادى. بىلتىر بۇل كورسەتكىش 3 پايىز بولعان. ال جۇمىس ىزدەۋشىلەردىڭ 12 پايىزى قاشىقتان جۇمىس ىزدەيدى.

جاڭالىقتار