سانكت-پەتەربوردا تۇراتىن قازاقستان ازاماتى اسكەرگە شاقىرتۋ الدى –س ءى م تۇسىنىكتەمەسى
وسىنداي جاعداي بولعان كەزدە ەلىمىزدىڭ ازاماتتارى نە ىستەۋى كەرەكتىگىن ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءتۇسىندىردى، دەپ حابارلايدى قازاقپارات ءتىلشىسى.
ايتا كەتەرلىگى، بۇقارالىق اقپارات قۇرالدارىندا سانكت-پەتەربور قالاسىندا تۇراتىن، رەسەيدە تۇراقتى تۇرۋعا رۇقساتى بار قازاقستان ازاماتى ءىشىنارا اسكەرگە جۇمىلدىرۋ بويىنشا شاقىرتۋ العانى تۋرالى حابار تاراعان ەدى.
«ارينە، اقپاراتتىق بازالاردا مۇنداي سايكەسسىزدىكتەر بولىپ تۇرادى. ەگەر، ايتالىق ادام رەسەي اۋماعىندا بولسا، تۇراقتى تۇرۋعا رۇقسات السا، وندا بۇل - ازاماتتىق ەمەس. ول اسكەري كوميسسارياتقا قۇجاتتارىن كورسەتە الادى نەمەسە قازاقستان ەلشىلىگىنە جۇگىنۋى كەرەك. زاڭدى تۇرعىدا قازاقستان ازاماتى ەكەنىن دالەلدەۋى قاجەت»، - دەدى ول مينيسترلىكتە وتكەن اپتالىق بريفينگ بارىسىندا ب ا ق وكىلدەرىنىڭ ساۋالىنا وراي.