رەسەي-ۋكراينا جانجالىنا ۇ ق ش ۇ- نىڭ قاتىسۋى كۇن تارتىبىندە تۇرعان جوق –س ءى م
3 قازان, 16:56

رەسەي-ۋكراينا جانجالىنا ۇ ق ش ۇ- نىڭ قاتىسۋى كۇن تارتىبىندە تۇرعان جوق –س ءى م

استانا. قازاقپارات - رەسەي-ۋكراينا جانجالى ايماعىنا ۇجىمدىق قاۋىپسىزدىك تۋرالى شارت ۇيىمىنىڭ (ۇ ق ش ۇ) قاتىسۋى كۇن تارتىبىندە تۇرعان جوق.

بۇل تۋرالى ق ر سىرتقى ىستەر مينيتسرلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«قازاقستان حالىقارالىق قۇقىق پەن ب ۇ ۇ جارعىسىنا ساي مەملەكەتتەردىڭ اۋماقتىق تۇتاستىعى، ولاردىڭ تەڭدىگى جانە بەيبىت ءومىر ءسۇرۋ ۇستانىمىن جاقتايدى. تولىقتاي العاندا، ۇ ق ش ۇ- نىڭ جاۋاپكەرشىلىك ايماعى ۇيىمعا مۇشە مەملەكەتتەردىڭ حالىقارالىق مويىندالعان اۋماعىمەن ناقتى ايقىندالعان جانە ۇجىمدىق قاۋىپسىزدىك وسى اۋماق اياسىندا عانا قامتاماسىز ەتىلەدى. وسىلايشا، ۇ ق ش ۇ- نىڭ رەسەي مەن ۋكراينا اراسىنداعى جانجال ايماعىنا قاتىسۋى كۇن تارتىبىندە تۇرعان جوق»، - دەدى ول مينيسترلىكتە وتكەن اپتالىق بريفينگ بارىسىندا ب ا ق وكىلدەرىنىڭ ساۋالىنا وراي.

جاڭالىقتار