قانات يسلامنىڭ كەلەسى جەكپە- جەكتەگى قارسىلاسى اۋىسىپ كەتتى
3 قازان, 16:03

قانات يسلامنىڭ كەلەسى جەكپە- جەكتەگى قارسىلاسى اۋىسىپ كەتتى

استانا. قازاقپارات - ورتا سالماقتاعى قازاقستاندىق بوكسشى قانات يسلامنىڭ 7-قازان كۇنى پلانت- سيتيدە (ا ق ش، فلوريدا شتاتى) وتەتىن كەزەكتى جەكپە- جەگىندەگى قارسىلاسى اۋىستى، دەپ حابارلايدى قازاقپارات Sports.kz سايتىنا سىلتەمە جاساپ.

«قازاقتىڭ» قارسىلاسى دومينيكان رەسپۋبليكاسىنىڭ وكىلى، 32 جاستاعى ەدۆارد ۋللوا دياس (13-3, 10 ك و) بولادى دەپ جوسپارلانعان ەدى. ەندى BoxRec.com كورسەتكەندەي، 38 جاستاعى قاناتپەن ءوزىنىڭ قۇرداسى، ارگەنتينالىق بوكسشى حاۆەر فرانسيسكو مونتيەل (34-17، 23 ك و) جۇدىرىقتاسادى. جەكپە- جەك سەگىز راۋندقا جوسپارلانعان.

قانات يسلام ءۇشىن بۇل - بيىل وتكىزەتىن ەكىنشى جەكپە- جەك بولماق. الدىڭعى كەزدەسۋىندە ول دجيممي كەلليمەن (26-3، 10 ك و) بوس تۇرعان WBO Global تيتۋلى ءۇشىن جۇدىرىقتاسىپ، تورەشىلەردىڭ ءبىراۋىزدان قابىلداعان شەشىممەن جەڭىلىپ قالدى. بۇل - قاناتتىڭ مانسابىنداعى العاشقى جەڭىلىس بولدى.

مونتيەلگە كەلسەك، 19-تامىزدا ول ءوز ەلىندە وتانداسى مارسەلو ەستەبان كوسەرەسكە (31-5-1, 17 ك و) قارسى جەكپە- جەك وتكىزىپ، تەحنيكالىق نوكاۋتپەن جەڭىلىپ قالعان.

جاڭالىقتار