ا ق ش حالقى داۋىلدان دۇرلىكتى
قازىر يان داۋىلى ءۇي- جايىن شايىپ كەتكەن تۇرعىندار كۇندەلىكتى تىرلىكتەرىنە ورالا باستاعان. ال قۇتقارۋشىلار قاتتى جەل قيراتقان ۇيىندىلەر استىنان ءتىرى قالعانداردى ىزدەستىرىپ جاتىر. ا ق ش- تاعى ءتىلشىمىز نۇربەك بەكەننىڭ ايتۋىنشا، فلوريدا شتاتىنداعى داۋىلدىڭ اسەرى 1500 شاقىرىم جەردەگى ۆيردجينيا شتاتىنا دا جەتكەن. ۆاشينگتوندا ءۇشىنشى كۇن جاڭبىر جاۋىپ تۇر.
نۇربەك بەكەن، ءتىلشى:
- يان داۋىلى ا ق ش تاريحىنداعى ەڭ جويقىن ءارى ەڭ كوپ شىعىن كەلگەن تابيعي اپات بولدى، دەدى پرەزيدەنت دجو بايدەن. ءتىلسىز جاۋدان فلوريدادا 74، سولتۇستىك كورولينادا 4 ادام قازا تاپتى. قۇتقارۋ، ىزدەۋ جۇمىستارى كەزىندە قۇرباندار سانى ارتۋى مۇمكىن. 837 مىڭ ءۇي- جاي مەن كاسىپورىن جارىقسىز قالدى. زارداپ شەككەن تۇرعىنداردىڭ باسىم بولىگى ەگدە جاستاعى ادامدار ەكەن. ويتكەنى فلوريداداعى سانيبەل ارالى زەينەتكەرلەر مەن تۋريستەر دەمالاتىن وففشور ايماق سانالادى. جويقىن داۋىل ارالعا اپاراتىن جولدى قيراتىپ وتكەندىكتەن، قۇتقارۋ جۇمىستارى نەگىزىنەن تىكۇشاقپەن جۇرگىزىلدى. ال بارلىق جيعان تەرگەنىن وسىنداعى جىلجىمايتىن مۇلىككە سالىپ، ءبىر ساتتە ايىرىلعان تۇرعىندار كومەككە مۇقتاج.
ريكي اندەرسون، تۇرعىن:
- بىزگە بىرەۋ كومەك بەرە الا ما ەكەن؟ شىعىن مولشەرى تىم كوپ. ءوزىڭىز اينالادان كورىپ تۇرعانداي ەشتەڭە قالمادى. جارىق جوق، تەلەفون جوق. بارار جەرىم دە جوق. ساعاتىنا 240 شاقىرىم جىلدامدىقپەن سوققان جويقىن داۋىلدىڭ اسەرى ءبىز تۇرعان ۆيردجينياعا دا جەتتى. رەسمي مالىمەت بويىنشا 6 مىڭعا جۋىق نىسان جارىقسىز قالعان. اق ءۇيدىڭ حابارلاۋىنشا سارسەنبى كۇنى ا ق ش پرەزيدەنتى دجو بايدەن ءبىرىنشى حانىم دجيلل بايدەنمەن تابيعي اپاتتان زارداپ شەككەن فلوريدا شتاتىنا بارادى.
دجو بايدەن، ا ق ش پرەزيدەنتى:
- ۇيلەر مەن عيماراتتار قيراپ قالدى. ونى قالىپقا كەلتىرۋگە كوپ ۋاقىت كەتەدى. ءبىز جويقىن داۋىلدان زارداپ شەككەن تۇرعىندارعا كوڭىل ايتامىز. پرەزيدەنت تابيعي اپاتتان ۇلكەن زارداپ كەلگەن شتاتتارعا فەدەرالدىق دەڭگەيدە كومەك كورسەتۋ جونىندە شەشىم قابىلداپ، دەكلاراتسياعا قول قويدى. ال كەشە بايدەن سولتۇستىك كورولينادا توتەنشە جاعداي جاريالادى.
نۇربەك بەكەن، ءتىلشى:
- جالپى فلوريدادا ا ق ش- تىڭ وزگە شتاتتارىمەن سالىستىرعاندا سۋ تاسقىنىنا بايلانىستى ەڭ كوپ ساقتاندىرۋ جاسالادى ەكەن. ساراپشىلار يان داۋىلىنان كەلگەن شىعىن فلوريدا شتاتىنىڭ تاريحىنداعى ەڭ ۇلكەنى بولاتىنىن ايتادى.
www.24.kz