اجىراسقاندار «باقىتتى وتباسى» باعدارلاماسىنا قاتىسا المايدى
ايتۋىنشا، ەندى «باقىتتى وتباسى» باعدارلاماسىنا اتا- اناسىنىڭ قامقورىنسىز قالعان ازاماتتار مەن 1,2-توپتاعى مۇگەدەكتەر قوسىلادى. ال تولىق ەمەس وتباسىلار مولشەرلەمەسى 5 پروتسەنتتى قۇرايتىن باعدارلامالاردىڭ قاتىسۋشىسى بولىپ قالا بەرەدى. مۇنداي شەشىم سوڭعى جىلدارى جاستار اراسىندا اجىراسۋ دەرەكتەرىنىڭ كۇرت كوبەيۋىنە بايلانىستى جاسالىپ وتىر ەكەن.
«باقىتتى وتباسى باعدارلاماسى ىسكە قوسىلعاننان كەيىن اكىمدىكتەردە تولىق ەمەس وتباسى ساناتى بويىنشا كەزەكتە تۇرعاندار سانى %72 عا نەمەسە 61,6 مىڭ ادامعا ارتقانىن كورسەتتى. بۇل رەتتە الەۋمەتتىك وسال توپتار اراسىندا تولىق ەمەس وتباسىلاردان شىققان كەزەكتە تۇرعانداردىڭ ۇلەسى %36، ال جالپى سانى 23,8 مىڭدى قۇرايدى. بۇل باسقا كەزەكتە تۇرعانداردىڭ تەڭ ەمەس جاعدايىن تۋدىرادى. ماسەلەن، «باقىتتى وتباسى» باعدارلاماسى بويىنشا وتىنىشتەردىڭ %50 دان استامى وسى ساناتتان كەلىپ ءتۇستى، ونىڭ %35 جەڭىلدەتىلگەن قارىزدار الدى»، دەيدى ق ر ي ي د م كوميتەت ءتوراعاسىنىڭ ورىنباسارى باۋىرجان قابدول.
www.24.kz