اتاقتى تەننيسشى استاناعا ۇشىپ كەلدى
3 قازان, 16:21

اتاقتى تەننيسشى استاناعا ۇشىپ كەلدى

استانا. قازاقپارات - اتاقتى تەننيسشى، «ۇلكەن دۋلىعا» تۋرنيرىنىڭ 21 دۇركىن چەمپيونى نوۆاك دجوكوۆيچ استاناعا ۇشىپ كەلدى، دەپ حابارلايدى قازاقپارات ءتىلشىسى.

سەربيالىق تەننيسشى بۇگىن باستالعان Astana Open ATP 500 جارىسىنا قاتىسادى.

ن. دجوكوۆيچ ەلورداعا جاقسى كوڭىل- كۇيمەن جەتتى. ايتا كەتسەك، ول جەكسەنبى كۇنى مارەگە جەتكەن تەل- اۆيۆ ATP 250 دوداسىنىڭ فينالىندا حورۆاتيالىق مارين ءچيليچتى 6:3، 6:4 ەسەبىمەن ۇتىپ، جەڭىمپاز اتانعان ەدى.

قازىرگى كەزدە دۇنيەجۇزىلىك رەيتينگىدە جەتىنشى ورىندا تۇرعان ن. دجوكوۆيچ استانا جارىسىنىڭ ءتورتىنشى راكەتكاسى بولىپ تىركەلگەن. نوۆاك ەرتەڭ باستاپقى كەزدەسۋىن رەيتينگىدە 81-ساتىداعى چيليلىك كريستيان گارينمەن وتكىزەدى.

بۇگىن استانا دوداسىنا ارنايى شاقىرتۋ العان، رەيتينگىدە 327-ورىنداعى قازاقستاندىق بەيبىت جۋكايەۆ العاشقى اينالىمدا الەمنىڭ 34-راكەتكاسى، نيدەرلاند وكىلى بوتيك ۆان دە زاندشۋلپقا ەسە جىبەردى - 1:6, 1:6.

ەسكە سالا كەتەيىك، بۇدان بۇرىن Astana Open تۋرنيرىنىڭ ىرىكتەۋ سايىستارى اياقتالعانىن، ەلەنا رىباكينانىڭ الەمدىك رەيتينگىدە ءبىر ساتىعا تومەندەگەنىن جازعان بولاتىنبىز.

سونداي- اق قازاقستاندىق تەننيسشى تيموفەي سكاتوۆ الەمدىك رەيتينگىدە توپ-200 گە جۋىقتادى.



جاڭالىقتار