پاۆلودارلىق قىز پوليتسيانى لاستانعان كويلەگى ءۇشىن شاقىردى
3 قازان, 15:05

پاۆلودارلىق قىز پوليتسيانى لاستانعان كويلەگى ءۇشىن شاقىردى

استانا. قازاقپارات - پاۆلودارلىق دۇكەنگە قايتا ورالعىسى كەلگەن كىر كويلەگى ءۇشىن پوليتسياعا حابارلاستى، دەپ حابارلايدى Polisia.kz.

جىل باسىنان بەرى ىشكى ىستەر ورگاندارىنا ءارتۇرلى سيپاتتاعى 77 مىڭنان استام قوڭىراۋ ءتۇسىپ، ونىڭ 17 مىڭعا جۋىعى ىشكى ىستەر ورگاندارىنىڭ قۇزىرەتىنە كىرمەيتىن ماسەلەلەر. ءتارتىپ ساقشىلارى تاۋلىك بويى ءتارتىپتى قاداعالايدى. ولار بارلىق كىرىس قوڭىراۋلارعا دەرەۋ جاۋاپ بەرەدى، ويتكەنى ولاردىڭ كوپشىلىگى شۇعىل كومەكتى قاجەت ەتەدى. الايدا، ازاماتتار بىلمەستىكتەن نەمەسە قالاسا، قارسىلاسىن «رەنجىتۋ» ءۇشىن پوليتسيا شاقىرادى.

مىسالى، 2-قازاندا پاۆلودارلىق پوليتسيا نومىرىنە ايەل تەلەفون سوعىپ، وعان جەدەل تۇردە ءتارتىپ ساقشىلارىن جىبەرۋدى ءوتىندى، ونىڭ ايتۋىنشا، ءىس وتە ماڭىزدى جانە ءبىر مينۋت كۇتۋگە بولمايدى. كورسەتىلگەن مەكەنجايعا بىردەن پوليتسيا قىزمەتكەرلەرى كەلدى، بۇل ساۋدا ورتالىعىنىڭ بۋتيكى. ولاردى ساتىپ الۋشى جاس قىز كۇتىپ تۇردى. ەموتسياسىن ۇستاماي، ول ساتۋشىعا قارسى شاعىمداندى. كويلەك ساتىپ العان ول ونى مەيرامحانادا كيىپ العان ەكەن. جاڭا كيىمدى تاماق پەن سۋسىننىڭ تامشىلارىمەن ابدەن بوياعان بويجەتكەن ونى دۇكەنگە اكەلىپ، ساتۋشىعا كويلەكتىڭ ساپاسىزدىعىنان لاستانعانىن دالەلدەپ، اقشانى دەرەۋ قايتارۋدى تالاپ ەتتى. پوليتسيا قىزمەتكەرلەرى ەگجەي-تەگجەيلى تىڭداپ، جانجالداسۋشى تاراپتارعا بۇل جاعدايدىڭ ىشكى ىستەر ورگاندارىنىڭ قۇزىرەتىنە مۇلدەم جاتپايتىنىن ءتۇسىندىرىپ، ارىزدانۋشىعا وسى ماسەلەلەرمەن اينالىساتىن ورگانعا حابارلاسۋ ۇسىنىلدى.

پوليتسياعا كەزەكتى قوڭىراۋ ەستاي كوشەسىندەگى ۇيلەردىڭ بىرىندەگى پاتەردەن تۇسكەن. وتباسىندا جانجال تۋىندادى. اشۋلى كۇيەۋىن قورقىتپاق بولعان ايەل پوليتسيا شاقىرعان. ءتارتىپ ساقشىلارى قالا تۇرعىنىنا قۇقىق بۇزۋشى كۇيەۋىنىڭ ۇستىنەن ارىز جازۋدى ۇسىنعاندا، ول بۇدان بىلاي وتباسىلىق كەلەڭسىزدىكتەرگە جول بەرمەيتىنىن جانە جانجال شىعارمايتىنىن ايتىپ، قىڭىرلىقپەن باس تارتقان.

جاڭالىقتار