قارىم-قاتىناستى بۇزاتىن سوزدەر
ءبىراق كەيدە ايتىلعان سوزدەر جاندى جارالاپ، قارىم-قاتىناستى بۇزۋى مۇمكىن. تومەندە كورسەتىلگەن سوزدەردى ءجيى قولدانۋدان ساق بولىڭىز.
1. «ۇساق- تۇيەك نارسە عوي» نەمەسە «وتەدى، كەتەدى»
ارينە، بۇل سوزدەردى جۇباتۋ ماقساتىندا ءجيى ايتادى قولدانادى. جولداسىڭىزعا بۇل ءسوزدى ەستۋ وڭاي بولمايدى، ويتكەنى وسىلايشا ءسىز ونىڭ سەزىمىن قۇنسىزداندىرىپ، بارىنە قول سىلتەگەندەي بولاسىز. اسىرەسە، بۇل سوزدەردەن كەيىن ولار ءوزىن اقىماق سەزىنىپ، سىزبەن ويىمەن بولىسكەنىنە وكىنىپ قالادى.
2. «اكەڭ سياقتىسىڭ»
اناڭنىڭ، باۋىرىڭنىڭ نە باسقا دا تۋىستارعا ۇقساستىرۋ ادەتتە ناشار قىلىقتارىن كورگەن كەزدە ايتىلادى. شىندىق بولسا دا، بۇل سالىستىرۋ، ودان بولەك سول ارقىلى جولداسىڭىزدىڭ ءالسىز تۇسىن بىلە تۇرىپ، ادەيى ىستەۋ. ونىڭ ۇستىنە جامان مىنەزىن وزىنە جاقىن ادامداردىڭ بىرىمەن بايلانىستىرعاندى ءبارى جاقسى كورە بەرمەيدى.
3. «سەن ءاردايىم…» نەمەسە «سەن ەشقاشان…»
بۇنداي سوزدەر ارقىلى جولداسىڭىزدىڭ بۇكىل ىستەگەنىن جوققا شىعاراسىز. ول سىزگە ايتپاسا دا جاقسى بولۋ ءۇشىن تىرىسىپ ءجۇرۋى مۇمكىن. ءبىراق بۇنداي سوزدەرمەن ءسىز ونىڭ ىستەگەنىن كورمەيتىنىڭىزدى، تەك جاعىمسىز ساتتەردى ەستە ساقتايتىنىڭىزدى كورسەتەسىز. «سەن ءاردايىم تەلەفونمەن وتىراسىڭ» دەۋدىڭ ورنىنا، ءوزىڭىزدىڭ سول جاعدايدا نە سەزەتىنىڭىزدى ايتىپ كورىڭىز.
4. «مەن شارشادىم، ايىرىلىسايىق»
اشۋمەن، وكپە- رەنىشپەن ايتىلعان وسى سوزدەر ەموتسيا تارقاعاننان كەيىن دە ەستە قالادى. ءبىر- بىرىنە اشۋلانۋ قالىپتى نارسە. ءبىراق اۋىر سوزدەر ايتۋ - بۇرىس شەشىم. باسىندا جولداسىڭىز قورقۋى مۇمكىن. ارتىنان بۇل سوزگە دە ۇيرەنىپ، كەيىن ءوزىن ايىرىلسۋ قالىپتى نارسە دەگەنگە سەندىرە باستايدى.
5. «جانىڭا تىم جاقىن قابىلدايسىڭ»
جولداسىڭىزدىڭ كوڭىل-كۇيى جوق كەزدە «جانىڭا ءبارىن جاقىن قابىلدايسىڭ» دەپ تاعى ءبىر سوققى جاسايمىز. وسىلايشا ونى ماسەلەنى شەشۋگە قاۋقارسىز ءالسىز ادام دەپ كورسەتەمىز. تىم سەزىمتال ادامدار بولاتىنى راس. ءبىراق ونى بەتكە باسا بەرۋگە بولمايدى. كەرىسىنشە «نە بولسا دا، بىرگە كورەمىز» دەۋ ارقىلى وعان قولداۋ بىلدىرگەن ابزال.
اقپارات دەرەككوزى: https://massaget.kz/kyizdarga/psihologiya/72712/