انتيكور قىزمەتكەرىن قورقىتقان پوليتسيا مايورى قاماۋعا الىندى
3 قازان, 12:19

انتيكور قىزمەتكەرىن قورقىتقان پوليتسيا مايورى قاماۋعا الىندى

استانا. قازاقپارات - الەۋمەتتىك جەلىلەردە ازاماتتىق كيىمدەگى ادام سىبايلاس جەمقورلىققا قارسى قىزمەت قىزمەتكەرىنە قاتىستى اتىس قارۋىن قولدانۋمەن قورقىتاتىن بەينە تاراعان.

وسى فاكت بويىنشا قارجىلىق مونيتورينگ اگەنتتىگى تۇسىنىكتەمە بەردى، دەپ حابارلايدى قازاقپارات.

«الماتى وبلىسى بويىنشا سىبايلاس جەمقورلىققا قارسى قىزمەت قاراساي اۋدانى پوليتسيا باسقارماسىنىڭ لاۋازىمدى تۇلعالارىنا قاتىستى قىلمىستىق جاۋاپتىلىقتان الشاقتاتقانى ءۇشىن 500 مىڭ تەڭگە سوماسىندا اقشالاي قاراجات الۋ (پارا) فاكتىسى بويىنشا سوتقا دەيىنگى تەرگەۋ جۇرگىزۋدە. سىبايلاس جەمقورلىققا قارسى قىزمەت قىزمەتكەرلەرى ءتىنتۋ جۇرگىزگەن كەزدە پوليتسيا مايورى زاڭدى تالاپتارعا باعىنباي، اتىس قارۋىن قولدانامىن دەپ قورقىتقان»، - دەلىنگەن حابارلامادا.

اعىمداعى جىلدىڭ 22- قىركۇيەگىندە وسى فاكت بويىنشا قىلمىستىق كودەكستىڭ 380-بابى (بيلىك وكىلىنە قاتىستى قاۋىپ) بويىنشا قىلمىستىق ءىس تىركەلدى. 29- قىركۇيەگىندە كۇدىكتى سوتتىڭ سانكسياسىمەن قاماۋعا الىندى.

تەرگەۋ جالعاسۋدا.


جاڭالىقتار