ەلىمىزدى جاياۋ ارالاعان اقساقالدىڭ ساياحاتى گيننەسكە تىركەلۋى مۇمكىن
مارافونشى اتامىز جاياۋ ساپارىن بيىل ناۋرىزدا باستاپ، كەشە اقتاۋدا اياقتادى.
«مەن ساپارعا رەكورد جاسايمىن دەپ شىققان جوقپىن. ماقساتىم - تۋعان جەردى جاياۋ ارالاۋ بولدى. ەگەر رەكورد رەتىندە تىركەپ جاتسا قارسى ەمەسپىن، بەرمەي جاتسا دا رەنىشىم جوق»، - دەدى سارسەنباي قوتىراشيەۆ.
سونداي- اق، اقساقال ساپار بارىسىندا قولداۋ- كومەك كورسەتكەن بارشا جانعا العىسىن ايتتى.
ودان بولەك، الداعى جىلى الەم ەلدەرىن ارالاۋ جوسپارىن تىلگە تيەك ەتتى.
«ەندى دۇنيە ءجۇزىن جاياۋ ارالاۋ ماقساتىن كوزدەپ وتىرمىن. بۇيىرسا، كەلەسى جازدا جولعا اتتانام. الەمدى جاياۋ ارالاۋ مارافونىن ازەربايجاننان باستاپ ودان ءارى ەۋروپا ەلدەرى جانە ا ق ش- قا بارماقپىن. سونداي- اق، تىزىمدە قىتاي مەن موڭعوليا بار»، - دەيدى ول.
«بيىل مامىردا قازاقستانداعى گيننەس رەكوردتار كىتابىنىڭ وكىلدەرىمەن كەزدەستىك. اتامىزدىڭ مارافوندى باستاعانىن ايتىپ، حاباردار ەتتىك. كەشە اقتاۋدا ساپار اياقتالعان سوڭ تاعى ءبىر حابارلاستىم. ولار اقساقالدىڭ ساپارىن قاداعالاپ وتىرعاندارىن ايتىپ، گيننەس رەكوردتار كىتابىنا كىرەدى دەپ وتىر. سەبەبى 72 جاسىندا اتامىز سەكىلدى از ۋاقىتتىڭ ىشىندە 8 مىڭ شاقىرىمدى ءالى ەشكىم باعىندىرماپتى»، - دەيدى ۇلىتاۋلىق اقساقالدىڭ كومەكشىسى باقتيار قوجاحمەتوۆ.
ايتا كەتەيىك، قازاقستان اۋماعىن جاياۋ ارالاپ شىققان سارسەنباي قوتىراشوۆ بۇگىن ەلورداعا كەلدى.
ەسكە سالا كەتەيىك، قازاقپارات ۇلىتاۋلىق 72 جاستاعى قارتتىڭ جاياۋ مارافونى باستالعالى حابار تاراتىپ كەلەدى.
جاياۋ ساپار بيىل ناۋرىزدا ۇلىتاۋدان باستالعان ەدى.
جازدا 4 مىڭ شاقىرىمدى جاياۋ باعىندىرىپ ەلورداعا جەتكەن اقساقالمەن تىلدەستىك.
سونداي- اق، اقساقال ساپارى بارىسىندا قىمىز مەيرامىن جانداندىرۋ كەرەكتىگىن ايتىپ ءجۇر.
اۆتور
داۋلەت ىزتىلەۋ