باتىس قازاقستانداعى شەكارا بەكەتىندەگى احۋال تۇبەگەيلى وزگەردى

ورال. قازاقپارات – ب ق و- نىڭ سامارا وبلىسىمەن شەكتەسەتىن «سىرىم» شەكارا بەكەتىندەگى احۋال تۇبەگەيلى وزگەردى، دەپ حابارلايدى قازاقپارات ءتىلشىسى.

«موي گورود» پورتالىنان الىنعان اقپاراتقا قاراعاندا، بۇدان ەكى كۇن بۇرىن اتالمىش شەكارا بەكەتىندەگى جۇك كولىكتەرىنىڭ كەپتەلىسى جەتى شاقىرىمعا سوزىلسا، قازىر اناعۇرلىم قىسقارعان، شامامەن ەكى شاقىرىمداي.

رەسەي جاعىنداعى «ماشتاكوۆ» شەكارا بەكەتىندە قازاقستان تاراپىنا وتەمىن دەۋشىلەرگە ازىق- تۇلىك پەن بەنزين ءۇش ەسە قىمباتقا ساتىلاتىن. 2 - قازان كۇنى جاعداي مۇلدەم وزگەرگەن. الايدا جولدىڭ شەتى تۇرمىستىق قالدىقتارعا تولىپ قالعان. جەل بوس پاكەت، قاعازداردى ۇشىرىپ اكەتۋدە.

سونىمەن قاتار شەكارا بەكەتىندە تاكسيستەر دە ازايعان. ادامدار كوپ بولعان العاشقى كۇندەرى شەكارا بەكەتىنەن ورال قالاسىنا دەيىن تاكسيستەر جولاۋشىلاردى 2 مىڭ رۋبلگە (16 مىڭنان استام تەڭگە) اپارسا، باعا قازىر ەكى ەسەگە تومەندەگەن.

2 - قازان كۇنى رەسەي تاراپىنان تەك جۇك كولىكتەرى مەن وزبەكستاندىق ازاماتتاردىڭ وتىز اۆتوكولىگى بايقالادى.

«28 - قىركۇيەك كۇنى كوپتەگەن ادام اسكەرگە شاقىرۋ قاعازىن الدى، سوندىقتان ولار ەشقايدا شىعا المايدى. ال ءىشىنارا موبيليزاتسياعا ىلىكپەگەندەر شەكارانى كەدەرگىسىز ءوتىپ جاتىر»، دەدى ەر ادام.

قازاقستان تاراپىنان جەڭىل كولىكتەر بويىنشا كەزەك جوق.

ەسكە سالا كەتەيىك، بۇدان بۇرىن ب ق و اكىمى شەكارادا قالىپتاسقان جاعدايعا بايلانىستى جيىن وتكىزگەنىن جازعان بولاتىنبىز .

اۆتور

عايساعالي سەيتاق