قازىر ۋكراينا ءۇشىن ناتو- عا كىرەتىن ىڭعايلى ۋاقىت ەمەس – ا ق ش

استانا. قازاقپارات – ا ق ش ۋكراينانىڭ ناتو- عا مۇشە بولۋىنا قاتىستى اشىق ەسىك ساياساتىن ۇستانادى. الايدا قازىر - بۇل ەل ءۇشىن اليانسقا قوسىلاتىن ىڭعايلى ۋاقىت ەمەس. ونىڭ ورنىنا كيەۆكە قولداۋدى كۇشەيتۋ ماڭىزدى.

پرەزيدەنت دجو بايدەننىڭ قاۋىپسىزدىك جونىندەگى كەڭەسشىسى دجەيك سالليۆان ماسەلەگە قاتىستى وسىلاي دەپ مالىمدەدى. ۆاشينگتون كيەۆكە كەزەكتى كومەك توپتاماسىن دايىنداپ جاتقانىن ايتتى.

دجەيك سالليۆان، ا ق ش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى:

- بۇگىن ءبىز رەسەي شەنەۋنىكتەرى مەن مەملەكەتتىك دۋمانىڭ مۇشەلەرىنە جانە وسى الاياقتىق ارەكەتتەرگە قاتىسى بار تۇلعالارعا قوسىمشا سانكسيا سالاتىنىمىزدى جاريالايمىز. سونىمەن قاتار رەسەي مەن بەلارۋستىڭ اسكەري تۇلعالارىنا، رەسەيدىڭ قورعانىس- وندىرىستىك كەشەنىن قولداۋشىلارعا دا شەكتەۋلەر ەنگىزىلەدى. ءبىز بۇل اننەكسيالاۋعا ساياسي جانە ەكونوميكالىق قولداۋ كورسەتكەن كەز كەلگەن ەل مەن تۇلعاعا دا سانكسيا قولدانامىز.

www.24.kz