وپپوزيتسيا كەزەكتەن تىس پرەزيدەنت سايلاۋىنا ءوز كانديداتىن ۇسىندى

استانا. قازاقپارات – جالپى ۇلتتىق سوتسيال- دەموكراتيالىق پارتيا نۇرلان اۋەسبايەۆتى كەزەكتەن تىس پرەزيدەنت سايلاۋىنا كانديدات رەتىندە ۇسىندى، دەپ حابارلايدى قازاقپارات ءتىلشىسى.

ايتا كەتەيىك، بۇگىن پارتيانىڭ كەزەكتەن تىس XIX سەزى ءوتتى.

وندا پرەزيدەنتتىككە كانديدات رەتىندە نۇرلان اۋەسبايەۆ ۇسىنىلىپ، جينالعاندار بۇل ۇسىنىستى قولداعان.

اتالعان پارتيا مالىمەتىنشە، زاڭگەر ءارى ەكونوميست نۇرلان ساتىبالدى ۇلى اۋەسبايەۆ 1957 -جىلدىڭ 17- مامىرىندا وڭتۇستىك قازاقستان وبلىسىندا دۇنيەگە كەلگەن.

2021 -جىلى ج س د پ- نىڭ استانا فيليالىنىڭ ءتوراعاسى بولىپ سايلانعان.

ايتا كەتەيىك، كەشە «اۋىل» حالىقتىق- دەموكراتيالىق پاتريوتتىق پارتياسىنىڭ كەزەكتەن تىس ⅩⅩ سەزى ءوتىپ، وندا پرەزيدەنت سايلاۋىنا ۇمىتكەر رەتىندە قازاقستان فەرمەرلەر قاۋىمداستىعىنىڭ باسقارما ءتوراعاسى جيگۋلي دايرابايەۆ بەكىتىلگەن ەدى.

ال 6- قازاندا AMANAT، «اق جول» مەن قازاقستان حالىق پارتيالارىنىڭ سەزى وتەدى. وندا اتالعان ساياسي ۇيىمدار ءوز كانديداتتارىن ۇسىنباق.

كەزەكتەن تىس پرەزيدەنت سايلاۋى 20 -قاراشا كۇنى وتەدى.

فوتو: informburo.kz