پوليتسيا ىزدەۋدە جۇرگەن بۋريات جۋرناليسىنىڭ استانادا ۇستالۋىنا تۇسىنىك بەردى

استانا. قازاقپارات - ىشكى ىستەر مينيسترلىگى بۋرياتيادان كەلگەن جۋرناليستىڭ ۇستالۋىنا پىكىر ءبىلدىردى، دەپ حابارلايدى قازاقپارات.

پوليتسيا مالىمەتىنشە، 30- قىركۇيەكتە رەسەي فەدەراتسياسىنىڭ قىلمىستىق كودەكسىنىڭ 207-بابىنىڭ 1-بولىگى بويىنشا مەملەكەتارالىق ىزدەۋدە جۇرگەن بۋرياتيا تۇرعىنى ەۆگەنيا بالتاتاروۆا ۇستالعان.

ىزدەۋدىڭ باستاماشىسى - رف بۋرياتيا رەسپۋبليكاسى بويىنشا ءى ءى م ۇلان- ۋدە قالاسىنىڭ پوليتسيا باسقارماسى.

ۇستالعان ادام استانا قالاسى سارى ارقا اۋدانىنىڭ پوليتسيا بولىمىنە جەتكىزىلدى. وندا ىزدەۋ باستاماشىسىنا ارنالعان ءتيىستى قۇجاتتار جيناقتالدى.

«كەلۋ سەبەبىن تۇسىندىرگەننەن كەيىن ول ۇيىنە جىبەرىلدى. ويتكەنى مەملەكەتارالىق ىزدەۋ كەزىندە «ەشقايدا شىقپاۋ تۋرالى قولحات» بۇلتارتپاۋ شاراسى بولىپ تابىلادى. بۇل شارا قاماۋعا الۋدى قاراستىرمايدى» دەپ ءمالىم ەتتى پوليتسيا.

سونداي- اق ە. بالتاتاروۆاعا حالىقارالىق ىزدەۋ (ينتەرپول) جاريالانباعانىن اتاپ وتكەن ءجون.

ال ىزدەۋشى رەسەيدىڭ قۇقىق قورعاۋ ورگاندارىنا ىزدەۋدە جۇرگەن ادامنىڭ جۇرگەن جەرى تۋرالى حابار بەرىلدى.

فوتو: facebook.com/b.j.stubborn