ورالدا تۇنگى كلۋبتىڭ جانىندا توبەلەسكەن رەسەي ازاماتتارى بەس تاۋلىككە قامالدى

ورال. قازاقپارات - ورالدا جاپپاي توبەلەسكە قاتىسقانداردىڭ ءبارىن پوليتسيا ۇستادى، دەپ حابارلايدى قازاقپارات ىشكى ىستەر مينيسترلىگىنە سىلتەمە جاساپ.

30- قىركۇيەك كۇنى ساعات 00.00 شاماسىندا ب ق و پ د جەدەل باسقارۋ ورتالىعىنىڭ ينسپەكتورلارى سىرتقى بەينەباقىلاۋ كامەرالارىن مونيتورينگتەپ وتىرعاندا ورالدىڭ تۇنگى كلۋبتىڭ جانىندا ەر ادامداردىڭ توبەلەسىن بايقادى.

وقيعا ورنىنا كەلگەن پوليتسيا قىزمەتكەرلەرى ماس كۇيىندە ءبىر- بىرىمەن توبەلەسكەن رەسەي ازاماتتارىن ۇستادى.

بۇل فاكت بويىنشا ماتەريال جينالىپ، كۋاگەرلەردەن جاۋاپ الىندى. جانجالعا قاتىسۋشىلار اباي پوليتسيا بولىمىنە جەتكىزىلدى.

قولدانىستاعى زاڭناماعا سايكەس قۇقىق بۇزۋشىلارعا قاتىستى ق ر ا ق ب ت ك- ءنىڭ 434، 437-بابى بويىنشا اكىمشىلىك حاتتاما تولتىرىلدى.

ورالدىڭ مامانداندىرىلعان اكىمشىلىك سوتىنىڭ قاۋلىسىمەن ق ر ا ق ب ت ك 434-بابىندا كوزدەلگەن ۇساق بۇزاقىلىق جاساعانى ءۇشىن 1992 جانە 1995 -جىلى تۋعان ر ف ازاماتتارىنا 5 تاۋلىك مەرزىمگە اكىمشىلىك قاماۋعا الۋ تۇرىندەگى جازا تاعايىندالدى.

ازاماتتىق سوت جوعارىدا اتالعان ر ف ازاماتتارىنىڭ ق ر اۋماعىندا ودان ءارى ءجۇرىپ- تۇرۋ ماسەلەسىن قارايدى.