قانات قاسىمحان ءداستۇرلى ساداق اتۋدان «كۇمىس» الدى
1 قازان, 13:02

قانات قاسىمحان ءداستۇرلى ساداق اتۋدان «كۇمىس» الدى

استانا. قازاقپارات - تۇركيانىڭ يزنيك قالاسىندا ءوتىپ جاتقان دۇنيەجۇزىلىك كوشپەندىلەر ويىندارىندا قازاقستاندىق قانات قاسىمحان ءداستۇرلى ساداق اتۋدان كۇمىس جۇلدە الدى، دەپ حابارلايدى قازاقپارات ءتىلشىسى.

اتالعان سايىستا الەمنىڭ 32 ەلىنەن كەلگەن 135 سپورتشى باق سىنادى. ەرلەر اراسىندا ۇزدىك 16 مەرگەننىڭ قاتارىنا قانات قاسىمحان، الي سەسسيگۋزەل، ازامات نۇرتايەۆ قوسىلدى. ولاردىڭ اراسىنان قانات قاسىمحان فينالعا شىعىپ، تۇركيالىق وعىز وقشىمەن كۇش سىناستى.

جارىس بارىسىندا ول قارسىلاسىنان 2 ۇپايعا جەڭىلىپ، كۇمىس مەدالعا قول جەتكىزدى. بۇل - قازاقستاندىق سپورتشىلاردىڭ ءداستۇرلى ساداق اتۋدان حالىقارالىق ارەناداعى العاشقى جەتىستىگى.

ەسكە سالساق، كوشپەندىلەر ويىندارىنا الەمنىڭ 102 ەلىنەن 3 مىڭنان استام سپورتشى قاتىسۋدا. قازاقستاننىڭ اتىنان 50 سپورتشى سايىستىڭ بەس تۇرىنەن باق سىناسادى. ولاردىڭ قاتارىندا كوكپار، قازاق كۇرەسى، ءداستۇرلى ساداق اتۋ، جامبى اتۋ، كوكبورى بار.

ەسكە سالساق، دۇنيەجۇزىلىك كوشپەندىلەر ويىندارىندا كوكپاردان قازاقستان قۇراماسى وزبەكستاندى جەڭدى.


جاڭالىقتار