ناتو ۋكراينانىڭ ءتورت ءوڭىرىنىڭ رەسەي قۇرامىنا ءوتۋىن مويىندامايدى
1 قازان, 12:39

ناتو ۋكراينانىڭ ءتورت ءوڭىرىنىڭ رەسەي قۇرامىنا ءوتۋىن مويىندامايدى

استانا. قازاقپارات - بۇل تۋرالى بريۋسسەلدە وتكەن باسپا ءسوز ماسليحاتىندا اليانستىڭ باس حاتشىسى مالىمدەدى، دەپ حابارلايدى «حابار 24».

يەنس ستولتەنبەرگ ناتو مەن ونىڭ وداقتاستارى زاپوروجە جانە حەرسون وبلىستارىن، ءوزىن- ءوزى جاريالاعان دونەتسك جانە لۋگانسك حالىق رەسپۋبليكالارىن رەسەي اۋماعى دەپ سانامايتىنىن كەسىپ ايتتى. سونداي- اق كرەملدىڭ سوڭعى شەشىمىنە قاراماستان، وداق ۋكراينعا كومەك كورسەتە بەرەتىنىن دە جەتكىزدى.

ايتا كەتكەن ءجون، بۇگىن ۆلاديمير پۋتين اتالعان 4 ايماقتى رەسەي قۇرامىنا قابىلداۋ تۋرالى كەلىسىمشارتتارعا قول قويدى. وسىدان كەيىن ۋكراينا شۇعىل تۇردە ناتو مۇشەلىگىنە ءوتىنىم بەرەدى. اسكەري بلوكقا مۇشە بولۋ ءۇشىن وعان كىرەتىن 30 ەلدىڭ قولداۋى قاجەت.

www.24.kz


جاڭالىقتار