استانادا تەرروريزمگە قارسى وقۋ- جاتتىعۋ وتەدى
1 قازان, 09:43

استانادا تەرروريزمگە قارسى وقۋ- جاتتىعۋ وتەدى

استانا. قازاقپارات - بۇگىن ەلوردادا تەرروريزمگە قارسى وقۋ- جاتتىعۋ وتەدى، دەپ حابارلايدى قازاقپارات.

1 - قازان كۇنى ساعات 10.00-دەن باستاپ كۇندىزگى 12.00-گە دەيىن تەرروريزمگە قارسى استانالىق وپەرشتاب وقۋ ورتالىعىنىڭ اۋماعىندا (ا ن 64-اينالما جولى، كولىك بازارىنىڭ ار جاعىندا) قۇقىق قورعاۋ جانە جەرگىلىكتى اتقارۋشى ورگاندارمەن بىرلەسىپ، «ۆيراج-2022» اتتى وقۋ- جاتتىعۋ وتكىزەدى.

وقۋ- جاتتىعۋدىڭ ماقساتى - تەرروريزمگە قارسى كۇش- قۇرالداردىڭ دايىندىعىن تەكسەرۋ جانە توتەنشە جاعداي كەزىندە بىرلەسكەن تاكتيكالىق ءىس- قيمىل بارىسىندا ءتيىستى كۇشتەردىڭ ءوزارا ارەكەت ەتۋ تيىمدىلىگىن ارتتىرۋ.

شارا كادىمگى قارۋلى قاقتىعىسقا بارىنشا جاقىنداتىلعان، ءارتۇرلى كۇردەلى ەلەمەنتتەردەن تۇرادى.

سوندىقتان كولىك قوزعالىسىنا شەكتەۋ قويىلۋى مۇمكىن. بۇل تىيىمدار اتاپ ايتقاندا ا ن 64-اينالما جولىنا قاتىستى. قالادا اسكەري تەحنيكا بوي كورسەتەدى.

«وسىعان بايلانىستى ازاماتتاردان ۋاقىتشا قولايسىزدىققا تۇسىنىستىكپەن قاراپ، ساقتىق شارالارىن قاتاڭ ساقتاۋىن، مەمورگان قىزمەتكەرلەرىنىڭ زاڭدى تالاپتارىن ورىنداۋىن جانە تەك قانا رەسمي اقپارات كوزىنە سەنىپ، ەل اراسىندا جالعان حابار تاراتپاۋىن سۇرايمىز» دەپ ەسكەرتتى وپەرشتاب.

اۆتور

جانات قاپالبايەۆا

جاڭالىقتار