بۇگىن - حالىقارالىق قارتتار كۇنى
حالىقارالىق قارتتار كۇنى - 1990 -جىلى 14 - جەلتوقساندا ب ۇ ۇ باس اسسامبلەياسىندا بەكىتىلىپ، جاريالاندى.
بۇل مەرەكە ەلىمىزدە جىل سايىن اتالىپ وتىلەدى. جانە ونىڭ اياسىندا قارتتارعا قۇرمەت كورسەتىلىپ، ءتۇرلى فورماتتاعى ءىس- شارالار ۇيىمداستىرىلادى.
اتاپ ايتقاندا، قارتتارعا قۇرمەت كورسەتۋ اكسيالارى، مەملەكەت تاراپىنان ءبىرجولعى قارجىلاي كومەك، سونداي- اق، ازىق- تۇلىك سەبەتى، شيپاجايلارعا جولداما جانە تاعى باسقا.
سول سەكىلدى ەگدە جاستاعى جاندارعا ارنالىپ مەرەكەلىك كونسەرت تە ۇيىمداستىرىلادى.
ودان بولەك، قارتتارعا ارنالعان اۋقىمدى شارانىڭ ءبىرى - «بەلسەندى ۇزاق ءومىر» ۇلتتىق جوباسى.
ق ر ەڭبەك جانە حالىقتى الەۋمەتتىك قورعاۋ مينيسترلىگى بىلتىر قولعا العان جوبا اياسىندا ەلىمىزدىڭ بارلىق وڭىرىندە بەلسەندى ۇزاق ءومىر ءسۇرۋ ورتالىقتارىن اشۋ جوسپارلانعان. جوسپارعا ساي وندا ەگدە جاستاعى جاندار بوس ۋاقىتىن وتكىزە الادى.
اتالعان ورتالىقتا اعىلشىن ءتىلىن ۇيرەنۋ، كومپيۋتەرلىك ساۋاتتىلىق كۋرستارىنان ءوتۋ، ەمدىك دەنە شىنىقتىرۋ، بي جانە تاعى باسقا شارالاردى وتكىزۋ قاراستىرىلعان.
ەڭبەك جانە حالىقتى الەۋمەتتىك قورعاۋ مينيسترلىگى بەرگەن ستاتيستيكاعا سۇيەنسەك، بۇگىندە ەلىمىزدە جاسى الپىستان اسقان 3 ميلليونعا جۋىق جان بار.
مەرەكە قارساڭىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الەۋمەتتىك ەڭبەك سالاسىنىڭ ارداگەرلەرىنە زور دەنساۋلىق، اماندىق جانە ۇزاق ءومىر تىلەدى.
سونداي- اق، ايتۋلى كۇنگە وراي زەينەتكەرلەرگە قۇتتىقتاۋ حاتىمەن قاتار ەلورداداعى ق. قۋانىشبايەۆ اتىنداعى قازاق دراما تەاترىنداعى كونتسەرتكە بيلەت تابىس ەتىلدى.
اتالعان ۆەدومستۆو مالىمەتىنە سايكەس، ەلىمىزدە قارتتار كۇنىنە وراي ايلىق شارا باستالىپ كەتتى.
«وبلىس، قالا جانە اۋدان باسشىلارىنان بولەك، كاسىپورىندار مەن ۇيىم باسشىلارى الەۋمەتتىك قولداۋ شاراسىنا وراي اشىق ەسىك كۇنىن ۇيىمداستىرىپ جاتىر. مينيسترلىك مالىمەتىنە سايكەس، 188,4 مىڭ قارت جاندى قامتي وتىرىپ، بارلىعى 1,6 ميلليارد تەڭگە سوماسىندا ءبىرجولعى ماتەريالدىق كومەك كورسەتىلدى»، - دەيدى ۆەدومستۆودان.
اۆتور
داۋلەت ىزتىلەۋ