22:26, 30 - قىركۇيەك 2022 | GMT +6
قازاقستاندىق سپورتشى جەڭىلىپ كورمەگەن وزبەكستاندىقتى نوكاۋتقا ءتۇسىردى
الماتى. قازاقپارات - الماتىدا وتكەن Octagon 35 جانە Brave CF 62 ارالاس جەكپە- جەك تۋرنيرىندە قازاقستاندىق رينات ساعىنتاي (9-1) مەن وزبەكستاندىق داۆلاتبەك حوجيەۆ (3-0) كەزدەستى، دەپ حابارلايدى قازاقپارات Sports.kz پورتالىنا سىلتەمە جاساپ.
جەكپە- جەك جارتىلاي ورتا سالماقتا ءوتتى جانە ءۇش راۋندقا ەسەپتەلگەن ەدى. كەزدەسۋ ەكىنشى راۋندتا ساعىنتايدىڭ جەڭىسىمەن، تەحنيكالىق نوكاۋتپەن اياقتالدى.
وسىلايشا، رينات ساعىنتاي م م ا- داعى كاسىبي مانسابىندا ونىنشى رەت جەڭىسكە جەتتى، ال داۆلاتبەك حودييەۆ العاش رەت جىعىلىپ وتىر.
Octagon 35 جانە Brave CF 62 ءتۋرنيرىنىڭ باستى جەكپە- جەگىندە بۇگىن قازاقستاندىق باۋىرجان قۋانىشبايەۆ (13-4) پەن باحرەين وكىلى ماگومەد ماگومەدوۆ (9-0) ءوزارا مىقتىنى انىقتايدى. ولار جارتىلاي ورتا سالماقتاعى Octagon ليگاسىنىڭ چەمپيونى تيتۋلىنا تالاسادى.