«نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسى سايلاندى

None
استانا. قازاقپارات - «نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسى قىزمەتىنە داۋلەت حامزين سايلاندى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

داۋلەت عازيز ۇلى حامزين 1973 -جىلى سەلينوگراد قالاسىندا دۇنيەگە كەلگەن. 1997 -جىلى قازاق مەنەدجمەنت، ەكونوميكا جانە بولجاۋ ينستيتۋتىنىڭ ماگيستراتۋراسىن «ەكونوميكا جانە بولجاۋ» ماماندىعى بويىنشا ءتامامداعان. ەڭبەك جولىن 1994 -جىلى ينجەنەر- باعدارلاماشى رەتىندە باستادى.

2006 -جىلدان بەرى ازاماتتىق اۆياتسيا سالاسىندا باسقارۋشىلىق ءتۇرلى لاۋازىمداردا قىزمەت اتقارىپ كەلەدى. اتاپ ايتقاندا، ءار جىلدارى «سارى- ارقا اۋەجايى» ا ق پرەزيدەنتى، «Scat اۆياكومپانياسى» اق دامىتۋ بويىنشا ۆيتسە- پرەزيدەنتى، «اۋليە- اتا حالىقارالىق اۋەجايى» ا ق باسقارما ءتوراعاسى بولدى.

2020 -جىلدان باستاپ ەلوردا اۋەجايىندا اتقارۋشى ديرەكتور، كوممەرتسيا دەپارتامەنتىنىڭ ديرەكتورى رەتىندە ەڭبەك ەتتى. بيىلعى جىلدىڭ قاڭتار ايىنان بۇگىنگە دەيىن «نۇرسۇلتان نازاربايەۆ حالىقارالىق اۋەجايى» اق باسقارما ءتوراعاسىنىڭ ورىنباسارى قىزمەتىن اتقاردى.

داۋلەت حامزين قازاقستان رەسپۋبليكاسىنىڭ تاۋەلسىزدىگىنە 20 جىل مەرەكەلىك مەدالىمەن، قر پرەزيدەنتىنىڭ العىس حاتىمەن ماراپاتتالعان. «قۇرمەتتى اۆياتور» توسبەلگىسىنىڭ يەگەرى.

سوڭعى جاڭالىقتار