ۇكىمەتتە وتكەن جيىندا بيزنەستىڭ وزەكتى ماسەلەلەرى تالقىلاندى

استانا. قازاقپارات - پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ مەملەكەتتىك ورگانداردىڭ، «اتامەكەن» ۇ ك پ جانە بيزنەس- قوعامداستىق وكىلدەرىنىڭ قاتىسۋىمەن كاسىپكەرلىكتىڭ ناقتى ماسەلەسى بويىنشا جيىن وتكىزدى.

قازاقپارات بۇل تۋرالى ۇكىمەت باسشىسىنىڭ باسپا ءسوز قىزمەتىنە سىلتەمە جاساپ حابارلايدى.

جيىن بارىسىندا مەملەكەت باسشىسىنىڭ كاسىپكەرلىك قىزمەتتى «تازا پاراقتان» رەتتەۋدى ەنگىزۋ، سونداي- اق مەملەكەتتىك باقىلاۋ جانە قاداعالاۋ جۇيەسىن اۆتوماتتاندىرۋ جونىندەگى تاپسىرمالارىن ورىنداۋ ماسەلەلەرى قارالدى.

بيزنەس- قوعامداستىق وكىلدەرى سالىق پرەفەرەنتسيالارىنا، جەر قاتىناستارىنا، كولىك شىعىندارىن سۋبسيديالاۋعا، مەملەكەتتىك ساتىپ الۋ راسىمدەرىن جەتىلدىرۋگە جانە باسقا دا ماسەلەلەرگە قاتىستى تۇيىتكىلدەردى كوتەردى.

جيىن قورىتىندىسى بويىنشا ە. جاماۋبايەۆ ءبىرقاتار ءتيىستى تاپسىرمالار بەردى، سونىڭ ىشىندە بەلگىلەنگەن مەرزىمدە رەتتەۋشى اكتىلەردى تالداۋدى اياقتاۋ بويىنشا.