قايرات بورانبايەۆقا قاتىستى ءىستى تەرگەۋ اياقتالدى

استانا. قازاقپارات - ق ر قارجى مونيتورينگى اگەنتتىگى اسا ءىرى كولەمدە مەملەكەت قارجىسىن جىمقىردى جانە اقشانى جىلىستاتتى دەگەن كۇدىككە ىلىنگەن قايرات بورانبايەۆ پەن ونىڭ سىبايلاستارىناقاتىستى ءىستىڭ تەرگەۋىن اياقتادى، دەپ حابارلايدى قازاقپارات.

«ق ر قارجى مونيتورينگى اگەنتتىگى اسا ءىرى كولەمدە مەملەكەت قارجىسىن جىمقىردى جانە اقشانى جىلىستاتتى دەگەن كۇدىككە ىلىنگەن قايرات بورانبايەۆ پەن ونىڭ سەنىمدى ادامى ناحانوۆقا، «قازمۇنايگاز» ۇ ك» ا ق باسقارۋشى ديرەكتورى يبۋللا سەردى جانە «QazaqGaz» ۇ ك» ا ق باسقارما ءتوراعاسىنىڭ ورىنباسارى جانۇزاق تايىرعاقاتىستى ءىستىڭ تەرگەۋىن اياقتادى.

ولار 2019 -جىلى باقىلاۋداعى «ازياگاز چۋندجا» ج ش س ارقىلى گازدى جەتكىزۋ كەزىندە Qazaq Gaz (بۇرىنعى قازترانسگاز) ۇلتتىق كومپانياسىنىڭ قاراجاتىن جىمقىرۋدىڭ قىلمىستىق سحەماسىن جۇزەگە اسىرعان.

ۇرلانعان 14,5 ميلليارد تەڭگە كولەمىندەگى قاراجات كەيىننەن زاڭدى كاسىپكەرلىك قىزمەتتەن ديۆيدەند رەتىندە ءبولۋ جانە تولەۋ جەلەۋىمەن زاڭداستىرىلعان.

وسىلايشا، كۇدىكتىلەر جاسالعان زاڭسىز وپەراتسيالاردىڭ شىن ءمانىن جاسىرعان. تەرگەۋ بارىسىندا كەلتىرىلگەن شىعىن تولىق كولەمدە وتەلدى. سونىمەن قاتار، 38 ميلليارد تەڭگە قولما- قول اقشا مەن 4,2 ميلليارد تەڭگەنىڭ جىلجىمايتىن مۇلىكتەرى تاركىلەندى. وسى ءبولىم بويىنشا تەرگەۋ اياقتالدى، ماتەريالدار پروتسەسكە قاتىسۋشىلارعا تانىستىرۋ ءۇشىن بەرىلدى»، - دەلىنگەن ۇسىنىلعان حابارلامادا.

بۇدان بولەك، ءمالىم ەتىلگەندەي، اۆستريا، لاتۆيا، ليۋكسەمبۋرگ، مولدوۆا، تاجىكستان، بىرىككەن اراب امىرلىكتەرى جانە ەستونيادان زاڭ اياسىنداعى كومەگىنىڭ ناتيجەسى كەلمەگەندىكتەن، بورانبايەۆتىڭ زاڭسىز ارەكەتتەرىنىڭ باسقا ەپيزودتارى بويىنشا تەرگەۋ جالعاسىپ جاتىر.

«سونىمەن قاتار اگەنتتىك زاڭسىز كىرىستەرگە ساتىپ الىنعان شەتەلدىك اكتيۆتەردى انىقتاۋ جانە بۇعاتتاۋ جۇمىستارىن جۇرگىزۋدە.

شەتەلدىك ارىپتەستەردەن ماتەريالدار كەلىپ تۇسكەننەن كەيىن ءتيىستى قۇقىقتىق باعا بەرىلەدى.

ايتا كەتۋ كەرەك، 2010 -جىلدان بەرى بورانبايەۆپەن ەنشىلەس كومپانيالار قازاقستاندا وندىرىلگەن گازدىڭ ەداۋىر بولىگىن شەتەل شوتتارىندا كىرىس شوعىرلانۋىمەن ەكسپورتتاعان. بۇل ارەكەتتەر ۇلتتىق مۇددەگە قايشى جاسالدى.

تەرگەۋ جۇمىستارىنىڭ ناتيجەسىندە، بيىلدان باستاپ جىلدىق قۇنى 440 ميلليون ا ق ش دوللارىنان اساتىن (207 ميلليارد تەڭگە) قازاقستاندىق گازدىڭ كورسەتىلگەن كولەمى ەل ىشىندەگى تۇتىنۋشىلارعا جانە مەملەكەتتىڭ ەكسپورتتىق الەۋەتىن ارتتىرۋعا باعىتتالدى»، - دەلىنگەن قارجى مونيتورينگى اگەنتتىگىنىڭ حابارلاماسىندا.