ق ر پرەزيدەنتى شەتەلدىك عىلىمي ۇيىمداردىڭ باسشىلارىمەن كەزدەستى
مەملەكەت باسشىسى Chioda Technol Corp (جاپونيا) كومپانياسىنىڭ پرەزيدەنتى اتارۋ ينوۋيمەن، لاۋە- لانجيەۆەن ينستيتۋتىنىڭ (فرانسيا) جەتەكشى عىلىمي قىزمەتكەرى ۆالەريي نەسۆيجيەۆسكيمەن جانە بىرىككەن يادرولىق زەرتتەۋلەر ينستيتۋتىنىڭ (رەسەي) ديرەكتورى گريگوري ترۋبنيكوۆپەن كەزدەسۋ وتكىزدى.
كەزدەسۋدە قازاقستاننىڭ يادرولىق عىلىم سالاسىن دامىتۋ پەرسپەكتيۆالارى تالقىلاندى. شەتەلدىك عىلىمي ۇيىمداردىڭ باسشىلارى قازاقستان تارابىمەن تىعىز ىنتىماقتاستىق ورناتۋعا قىزىعۋشىلىق تانىتتى.
پرەزيدەنت ەلىمىزدىڭ اتوم ەنەرگياسىن تەك قانا بەيبىت ماقساتتا پايدالانۋدى جاقتايتىنىن ايتتى. ونىڭ ايتۋىنشا، قازاقستان تابيعي ۋران وندىرۋدەن الەمدە ءبىرىنشى ورىندا تۇر جانە يادرولىق وتىن تۇرلەرىن ءوزى وندىرەدى. ەلىمىزدە يادرولىق سالانى عىلىمي- تەحنيكالىق تۇرعىدا قولداي الاتىن عىلىمي مەكەمەلەر مەن ينفراقۇرىلىم بار.
اڭگىمەلەسۋ بارىسىندا ولار قازاقستاندا اتوم ەنەرگەتيكاسىن دامىتۋ، زاماناۋي يادرولىق تەحنولوگيالاردى پايدالانۋ، وتاندىق بىلىكتى كادرلاردى دايارلاۋ ماسەلەلەرى جونىندە پىكىر الماستى.
