ءالىمحان ۇلى قازاقستاندا جەكپە-جەك وتكىزبەك. چەمپيوننىڭ كومانداسى مالىمدەمە جاسادى
30 قىركۇيەك, 21:12

ءالىمحان ۇلى قازاقستاندا جەكپە-جەك وتكىزبەك. چەمپيوننىڭ كومانداسى مالىمدەمە جاسادى

استانا. قازاقپارات – ورتا سالماقتا WBO چەمپيونى جانىبەك ءالىمحان ۇلى (12-0، 8 ك و) قازاقستاندا بىرنەشە جەكپە-جەك وتكىزبەك.

بۇل تۋرالى بوكسشىنىڭ كومانداسى الەۋمەتتىك جەلىدە حابارلاپ وتىر.

مۇنىڭ الدىندا جانىبەك قاراشادا چەمپيوندىعىن العاش رەت قورعايتىنى بەلگىلى بولدى. ءالىمحان ۇلىنىڭ قارسىلاسى بريتانيالىق دەنزەل بەنتلي (17-1-1، 14 ك و) بولادى.

«قادىرمەندى جانكۇيەرلەر! جەكپە-جەك ۋاقىتى مەن قارسىلاس رەسمي تۇردە كەلەسى اپتانىڭ باسىندا جاريالانادى! دايىندىق قىزىپ جاتىر. ءبىز ەندى باستادىق. قۇداي قالاسا الداعى 10 جىلدىقتا بارلىعىڭىزدى جەكسەنبى كۇنى تاڭعى 7 دە وياتامىز! ءناسىپ بولسا ەلدە دە بىرنەشە بوكس كەشىن ۇيىمداستىرىپ، ونەر كورسەتەمىز! ءبىز جانكۇيەرمەن مىقتىمىز! تاريحي كۇندەردە جولىعايىق!» - دەلىنگەن جازبادا.

جاڭالىقتار