فۋتبولدان الەم چەمپيوناتى: ۇيىمداستىرۋشىلار جەرگىلىكتى قىزدارعا «قىرىنداۋعا» قاتاڭ تىيىم سالدى
30 قىركۇيەك, 19:23

فۋتبولدان الەم چەمپيوناتى: ۇيىمداستىرۋشىلار جەرگىلىكتى قىزدارعا «قىرىنداۋعا» قاتاڭ تىيىم سالدى

استانا. قازاقپارات – 2022-جىلعى كاتاردا وتەتىن فۋتبولدان الەم چەمپيوناتىنىڭ ۇيىمداستىرۋشىلارى شەت ەلدەن كەلەتىن جانكۇيەرلەرگە ارنالعان ەرەجەنى جاريالادى، دەپ جازادى RMC Sport پورتالى.

ۇيىمداستىرۋشىلار شەت ەلدىك جانكۇيەرلەرگە جەرگىلىكتى قىزدارعا تيىسپەۋدى تالاپ ەتتى. سونىمەن قاتار، دۇعا جاسالىپ نەمەسە ناماز وقىلعان كەزدە مۋزىكانىڭ داۋىسىن قاتتى شىعارۋعا تىيىم سالدى.

ال شەت ەلدىك جانكۇيەر قىزدارعا اياعى، قولى جانە كەۋدەسىن جاباتىن ۇزىن كويلەك كيۋگە كەڭەس ايتىلعان.

ءبىراق ولارعا تەك كوزىن عانا اشىق قالدىراتىن ءداستۇرلى چادرا كويلەگىن كيۋدى مىندەتتەمەدى. ەرلەرگە شولاق شالبار مەن تىرىسىپ تۇراتىن سىم كيۋگە بولمايدى.

ايتا كەتەيىك، الەم چەمپيوناتى 20- قاراشا مەن 18- جەلتوقسان ارالىعىندا وتەدى.

جاڭالىقتار