قىتاي ۆاليۋتاسى السىرەدى
قىتاي ورتالىق بانكىسى، ۇلتتىق ۆاليۋتانى تۇراقتاندىرۋعا باعىتتالعان شارالار قابىلداپ جاتىر. ءبىر دوللاردىڭ باعامى 7 يۋاننان اسىپ كەتتى. سوڭعى ءبىر ايدا قىتاي ۆاليۋتاسى دوللارعا قاراعاندا 4 پروتسەنتكە ارزانداعان. ساراپشىلاردىڭ پىكىرىنشە، دوللار باعامىنىڭ نىعايۋىنا ا ق ش ەكونوميكاسىنىڭ بىرتىندەپ قالپىنا كەلە باستاعانى، سونداي- اق، ينۆەستورلاردىڭ ا ق ش فەدەرالدىق قورى مولشەرلەمەنى كوتەرەدى دەگەن بولجامى اسەر ەتكەن.
حان باوتسزيان، ق ك پ و ك پارتيا مەكتەبى ەكونوميكا دەپارتامەنتىنىڭ ديرەكتورى:
- جەكە ءوزىم يۋاننىڭ السىرەۋى قىتاي ەكونوميكاسىنداعى كەيبىر قيىندىقتارعا بايلانىستى بولىپ وتىر دەپ سانايمىن. كوروناۆيرۋستىڭ تارالۋى باسەڭدەپ، ەكونوميكا قالپىنا كەلە باستاعاندا، يۋان باعامى دا قالپىنا كەلەدى. دوللار باعامى سۇرانىس پەن ۇسىنىستىڭ اراقاتىناسىنا تاۋەلدى. الەمدىك ەكونوميكا قالپىنا كەلگەندە جالپى احۋال دا جاقسارادى. مەنىڭ بولجامىمشا، يۋان باعامى كەلەر جىلى قالپىنا كەلەدى.
جالپى قازىر قىتاي ەكونوميكاسىنا ۇلكەن قىسىم ءتۇسىپ وتىر. بۇل جىلجىمايتىن مۇلىك نارىعىنداعى داعدارىس پەن پاندەمياعا قاتىستى جۇرگىزىلىپ جاتقان قاتاڭ ساياساتقا بايلانىستى تۋىنداعان. ءىرى شاھارلار مەن قالالاردا ەنگىزىلگەن تولىق جانە ءىشىنارا لوكداۋندار قىزمەت كورسەتۋ سالاسىنا كەرى اسەرىن تيگىزدى. شەكتەۋلەردىڭ سالدارىنان ادامداردىڭ تابىسى ازايىپ، تيىسىنشە ولار از تۇتىنا باستادى.
حان باوتسزيان، ق ك پ و ك پارتيا مەكتەبى ەكونوميكا دەپارتامەنتىنىڭ ديرەكتورى:
- العاشقى جارتى جىلدا ەكونوميكا نە بارى ەكى جارىم پروتسەنتكە وسكەن. ال جوسپار بويىنشا بيىل ەلدىڭ جالپى ىشكى ءونىمى بەس جارىم پروتسەنت بولۋى كەرەك- ءتى. قاتتى ارتتا قالعانىمىزدى كورىپ تۇرسىز. بالكىم جىل سوڭىنا دەيىن بولجانعان كورسەتكىشكە جەتەرمىز. ءبىراق قىتاي ەكونوميكاسىنا ۇلكەن قىسىم تۇسكەنىن مويىنداۋ كەرەك، وعان قوسا پاندەميانىڭ قاشان اياقتالاتىنىن ناقتى ەشكىم بىلمەيدى. شىلدە ايىنان بەرى ەكونوميكانى تۇراقتاندىرۋعا ارنالعان شارالاردىڭ ەكى توپتاماسىن قابىلدادىق. ەگەر تامىز ايىنىڭ كورسەتكىشتەرىنە قاراساق، ناتيجە ماماندار بولجاعاننان دا جاقسى بولىپ شىقتى.
جۋىردا مەملەكەتتىك كەڭەس پرەمەرى لي كىشياڭ ءۇشىنشى توقساندا ەكونوميكا قالپىنا كەلىپ، تۇراقتالعانىن حابارلادى. مۇنى تامىز ايىندا بولشەك ساۋدا مولشەرىنىڭ وسكەنى كورسەتىپ وتىر. ءتىپتى كەيبىر ساراپتاما اگەنتتىكتەرى ءۇشىنشى توقسانداعى جالپى ىشكى ءونىم ءوسىمىنىڭ بولجامىن 2,8 پروتسەنتكە دەيىن كوتەردى. دەگەنمەن، كەلەر جىلعا بولجام 5,3 پروتسەنتتەن ءتورت جارىم پروتسەنتكە دەيىن تومەندەدى. بۇل پاندەمياعا قاتىستى قاتاڭ ساياسات كەم دەگەندە 2023 -جىلدىڭ كوكتەمىنە دەيىن ساقتالۋىمەن بايلانىستى.
www.24.kz