اباي باستاپ، الاش ارىستارى جالعاعان ۇلى جول ۇلتىمىزدى جاڭا دەڭگەيگە كوتەردى - پرەزيدەنت
«سەمەي وتكەن عاسىردىڭ باسىندا قازاقتىڭ رۋحاني استاناسى سانالعان. اباي باستاپ، الاش ارىستارى جالعاعان ۇلى جول ۇلتىمىزدى ەسەيتىپ، مۇلدە جاڭا دەڭگەيگە كوتەردى. ولار قازاقتىڭ بولاشاعى قانداي بولۋى كەرەكتىگىن ايقىنداپ بەردى.
ءبىز الىپتارىمىزدىڭ ىرگەلى يدەيالارىن ۇستانا وتىرىپ، ۇلتتىق جاڭعىرۋدىڭ جاڭا بەلەسىنە قادام باسۋىمىز كەرەك»، - دەدى مەملەكەت باسشىسى.
ول «تالاپ، ەڭبەك، تەرەڭ وي، قاناعات، راقىم، ويلاپ قوي» دەگەن حاكىم ابايدىڭ وسيەتى جاس ۇرپاققا ۇلگى- ونەگە بولۋعا ءتيىس ەكەنىن اتاپ ءوتتى.
«ۇلى اقىننىڭ اتاپ كورسەتكەن بەس اسىل قاسيەتى ءبىزدىڭ بۇگىنگى ماقساتىمىزبەن تولىق ۇندەسەدى. ۇلى اباي «تولىق ادام» دەگەن ۇعىمدى قازاق قوعامىنا ۇسىنعان ەدى. تولىق ادام، مەنىڭشە، بۇل - بولمىسى كەمەل، كوزقاراسى تەرەڭ، كوكىرەگى وياۋ، ەڭبەكشىل ادام دەگەن ءسوز. وزدەرىڭىزگە ءمالىم، مەن قوعامدا جاڭا قۇندىلىقتار ورنىقتىرۋ قاجەتتىگى جونىندە ۇنەمى ايتىپ جۇرەمىن»، - دەدى پرەزيدەنت.