اباي وبلىسىندا قازبا بايلىقتار كوپتەپ تابىلادى دەپ ويلايمىن - پرەزيدەنت

None
سەمەي. قازاقپارات - اباي وبلىسى اۋماعىندا اۋقىمدى گەولوگيالىق زەرتتەۋ جۇمىسىن جۇرگىزۋ قاجەت.

بۇل تۋرالى اباي وبلىسىنا جۇمىس ساپارىمەن بارعان مەملەكەت باسشىسى قاسىم-جومارت توقايەۆ ءمالىم ەتتى.

«تاعى ءبىر وزەكتى ماسەلە - بوس جاتقان جەرلەردى مەملەكەتكە قايتارۋ. مەن بۇل جۇمىستى بۇكىل ەل اۋماعىندا جۇرگىزۋدى تاپسىردىم. اباي وبلىسىندا قازىردىڭ وزىندە وسىنداي 200 مىڭ گەكتار جەر انىقتالدى. سونىڭ 62 مىڭ گەكتارى قايتارىلدى. قايتارىلعان جەرلەردى جەرگىلىكتى شارۋالارعا ءادىل ۇلەستىرىپ، ەل يگىلىگىنە ءتيىمدى پايدالانۋ اسا ماڭىزدى. جالپى، بۇل جۇمىس ودان ءارى جالعاسادى»، - دەدى ق ر پرەزيدەنتى.

سونداي-اق مەملەكەت باسشىسى وبلىس اۋماعىندا اۋقىمدى گەولوگيالىق زەرتتەۋ جۇمىسىن جۇرگىزۋ قاجەت ەكەنىن اتاپ ءوتتى.

«ايماقتىڭ جەر قويناۋى پوليگوننىڭ كەسىرىنەن جىلدار بويى يگەرىلگەن جوق. سول سەبەپتى، وبلىس اۋماعىندا اۋقىمدى گەولوگيالىق زەرتتەۋ جۇمىسىن جۇرگىزۋ قاجەت. قازبا بايلىقتار كوپتەپ تابىلادى دەپ ويلايمىن. تاۋ- كەن ونەركاسىبىن دامىتۋ وبلىس ەكونوميكاسىن جانداندىرادى. سونداي-اق، جاڭا جۇمىس ورىندارىن اشۋعا مۇمكىندىك بەرەدى»، - دەپ تۇيىندەدى قاسىم-جومارت توقايەۆ.

سوڭعى جاڭالىقتار