پوليتسيا تورەعالي تورەالىگە قاتىستى ءىستىڭ جاي-جاپسارىن ايتتى

None
قونايەۆ. قازاقپارات - ءانشى تورەعالي تورالىگە قاتىستى قىلمىستىق ءىس تىركەلدى، دەپ حابارلايدى قازاقپارات polisia.kz c سىلتەمە جاساپ.

پوليتسيا قىزمەتكەرلەرى ءانشى تورەعالي تورەالىگە قاتىستى ءىستىڭ جاي-جاپسارىن ايتتى.

«الەۋمەتتىك جەلىلەرگە مونيتورينگ جۇرگىزۋ بارىسىندا وسى جاريالانىم انىقتالدى. وقيعا 28 -قىركۇيەكتە الماتى وبلىسى، كەگەن اۋدانىندا ورنالاسقان «كولساي كولدەرى« ۇلتتىق پاركىنىڭ اۋماعىندا بولعان. قۇقىقبۇزۋشىلىق ق ر قىلمىستىق كودەكستىڭ 293-بابىندا كوزدەلگەن قىلمىس قۇرامىنىڭ بەلگىلەرى بويىنشا تىركەلدى. ق ر زاڭناماسىنا سايكەس، بارلىق قاجەت ساراپتامالىق زەرتتەۋ جۇرگىزىلىپ، وقيعانىڭ شىنايى ءمان-جايى انىقتالادى. قىلمىستىق ءىستى تەرگەۋ بارىسى مەن ناتيجەلەرى الماتى وبلىسى پوليتسيا دەپارتامەنت باسشىلىعىنىڭ باقىلاۋىنا الىندى»، - دەلىنگەن حابارلامادا.

ەسكە سالايىق، بۇعان دەيىن قازنەتتە تورەعالي تورەالىدەن سوققى كوردىم دەگەن جىگىتتىڭ ۆيدەوسى تارادى. الماتى وبلىسى پوليتسيا دەپارتامەنتى باستىعىنىڭ تەرگەۋ بويىنشا ورىنباسارى رۋستام ءابدىراحمانوۆ بۇل ىسكە قاتىستى پىكىر بىلدىرگەن ەدى.

سوڭعى جاڭالىقتار