سەرىك ءمۇسادىلوۆ ا ق ش- تا رينگكە شىعادى

None
استانا. قازاقپارات - ءبىرىنشى اۋىر سالماقتاعى قازاقستاندىق بوكسشى سەرىك ءمۇسادىلوۆ (13-0،11 ك و) 21-قازاندا ورلاندودا (ا ق ش، فلوريدا شتاتى) شارشى الاڭعا شىعادى، دەپ حابارلايدى قازاقپارات «قازاقستاننىڭ كاسىپقوي بوكسى» پاراقشاسىنا سىلتەمە جاساپ.

BoxRec.com حابارلاۋىنشا، «پاندا» لاقاپ اتىمەن بەلگىلى قازاقستاندىقتىڭ قارسىلاسى مەكسيكالىق حاۆەر گومەس رۋەدا (21-17, 15 ك و) بولادى. جەكپە- جەك سەگىز راۋندتان تۇرادى.

س. ءمۇسادىلوۆ مۇنىڭ الدىنداعى جەكپە- جەگىن 8-قىركۇيەكتە سانتياگو دە تولۋدا (كولۋمبيا) وتكىزدى. وندا جەرگىلىكتى سپورتشى مانۋەل بانكەستى ەكىنشى راۋندتا نوكاۋتقا تۇسىرگەن بولاتىن.

رۋەداعا كەلەتىن بولساق، ول 23-شىلدەدە ورلاندودا رينگكە شىعىپ، امەريكالىق ادريان پينەيرودان (9-0، 9 ك و) تەحنيكالىق نوكاۋتپەن جەڭىلگەن ەدى. ايتا كەتەيىك، 2018 -جىلى حاۆەر رينگتە تاعى ءبىر قازاقستاندىق ءالي احمەدوۆپەن كەزدەسكەن بولاتىن. ولاردىڭ جەكپە- جەگى كوستا- مەسادا (كاليفورنيا) ءوتىپ، ءبىرىنشى راۋندتا نوكاۋتپەن الماتىلىق بوكسشىنىڭ جەڭىسىمەن اياقتالدى.

سوڭعى جاڭالىقتار