ەرلان قارين سىبايلاس جەمقورلىققا قارسى كوميسسيانىڭ وتىرىسىن وتكىزدى
29 قىركۇيەك, 22:02

ەرلان قارين سىبايلاس جەمقورلىققا قارسى كوميسسيانىڭ وتىرىسىن وتكىزدى

استانا. قازاقپارات – ق ر مەملەكەتتىك كەڭەسشىسى ەرلان قارين سىبايلاس جەمقورلىققا قارسى ءىس- قيمىل ماسەلەلەرى جونىندەگى كوميسسيانىڭ وتىرىسىن وتكىزدى، دەپ حابارلايدى اقوردا.

وتىرىستا ەۋروپا كەڭەسى جانىنداعى سىبايلاس جەمقورلىققا قارسى كۇرەس جونىندەگى مەملەكەتتەر توبىنىڭ (گرەكو) ۇسىنىمدارى تالقىلاندى. جيىندا سىبايلاس جەمقورلىققا قارسى ءتيىمدى ءىس- قيمىل قابىلداۋ ماقساتىندا گرەكو ۇيىمىمەن ءوزارا قارىم- قاتىناس ورناتۋعا باسا نازار اۋدارىلدى.

مەملەكەتتىك كەڭەسشى شەتەلدىك ساراپشىلاردىڭ ۇسىنىمدارىن پىسىقتاۋ جانە ىسكە اسىرۋدىڭ ناقتى تەتىكتەرىن ازىرلەۋ جونىندەگى جۇمىستى جانداندىرۋ قاجەت ەكەنىن اتاپ ءوتتى.

سونداي- اق، وتىرىستا كولەڭكەلى ەكونوميكاعا قارسى ءىس- قيمىل جونىندەگى 2021-2023 -جىلدارعا ارنالعان كەشەندى جوسپاردى ورىنداۋ ماقساتىندا مەملەكەتتىك ورگاندار اتقارىپ جاتقان جۇمىستاردىڭ جاي- جاپسارى تالقىلاندى.

جيىندا اتالعان كەشەندى جوسپاردى ءوز دەڭگەيىندە ىسكە اسىرۋ، ونىڭ ورىندالۋىنا ناقتى مونيتورينگ جۇرگىزۋ جانە كولەڭكەلى ەكونوميكانى ازايتۋ ءۇشىن قابىلداناتىن شارالارعا تۇزەتۋلەر ەنگىزۋ جايىندا ايتىلدى.

كوميسسيا وتىرىسىنداعى تالقىلاۋلاردان كەيىن جيىندا قاراستىرىلعان ماسەلەلەر بويىنشا ناقتى ۇسىنىمدار ازىرلەندى.

جاڭالىقتار