22:49, 29 - قىركۇيەك 2022 | GMT +6
يەن داۋىلىنا بايلانىستى فلوريدا تۇرعىندارى ەۆاكۋاتسيالاندى
استانا. قازاقپارات - «يەن» داۋىلى فلوريداعا جەتتى. تۇبەك اۋماعىمەن جىلجىپ كەلە جاتقان داۋىلدىڭ كۇشى ءتورتىنشى دەڭگەيدەن ەكىنشىگە باسەڭدەدى، دەپ حابارلايدى قازاقپارات Euronews-كە سىلتەمە جاساپ.
ا ق ش- تىڭ داۋىلداردى باقىلاۋ جونىندەگى ۇلتتىق ورتالىعىنىڭ مالىمەتىنشە، دۇلەي اپات اۋماعىنداعى جەلدىڭ ەكپىنى شامامەن 42 م/س قۇرايدى، كەي جەرلەردە 70 م/س جەتكەن.
ۇلتتىق مەتەورولوگيا قىزمەتى «اپاتتى» تەڭىز داۋىلى مەن تورنادو تۋرالى ەسكەرتتى.
فلوريدانىڭ 2,5 ميلليونعا جۋىق تۇرعىنى ەۆاكۋاتسيالاندى. 600 مىڭعا جۋىق ءۇي مەن كاسىپورىندا ەلەكتر قۋاتى سوندىرىلگەنى حابارلاندى.
داۋىل سولتۇستىك- شىعىسقا قاراي 13 ك م/ساع جىلدامدىقپەن جىلجىپ كەلەدى.
امەريكا ب ا ق- تارى «يەن» داۋىلى فلوريدانىڭ باتىس جاعالاۋىندا بۇعان دەيىن بولعان ەڭ قۋاتتى داۋىلمەن پارا- پار ەكەنىن ايتۋدا: قازىرگى جەلدىڭ كۇشى 2004 -جىلى «چارلي» داۋىلى كەزىندە سوققان جەلمەن تەڭ.
مەتەورولوگتاردىڭ بولجامى بويىنشا، «يەن» ا ق ش- تا 6-قازانعا دەيىن سوعادى.