پرەزيدەنت ءىءى م كوشى- قون ماسەلەسىنە باقىلاۋ جۇرگىزۋ باعىتىندا ءبىرقاتار تاپسىرما بەردى
پرەزيدەنتكە قۇقىق بۇزۋشىلىقتاردىڭ الدىن الۋ، قىلمىستاردى اشۋ، تەرگەۋ بولىمشەلەرىنىڭ جۇمىسىن ۇيىمداستىرۋ، ۇيىمداسقان قىلمىسقا قارسى كۇرەسۋ، جەكە قۇرام اراسىندا ءتارتىپ پەن زاڭدىلىقتى نىعايتۋ ءۇشىن قابىلدانىپ جاتقان شارالار جونىندە مالىمەت بەرىلدى.
قاسىم- جومارت توقايەۆقا قازاقستان حالقىنا جولداۋىندا ايتىلعان تاپسىرمالارىنىڭ ورىندالۋ بارىسى تۋرالى باياندالدى. اتاپ ايتقاندا، ينتەرنەتتەگى الاياقتىققا، ەسىرتكى بيزنەسىنە جانە ۇيىمداسقان قىلمىسقا قارسى كۇرەس كۇشەيتىلدى. وتباسىلىق- تۇرمىستىق جانجالدان تۋىندايتىن قۇقىقبۇزۋشىلىقتاردىڭ الدىن الۋ ماسەلەلەرىنە ەرەكشە كوڭىل ءبولىنىپ وتىر.
سونداي- اق مارات احمەتجانوۆ رەسەي فەدەراتسياسى ازاماتتارىنىڭ ەلىمىزگە كەلۋىنە بايلانىستى ىشكى ىستەر ورگاندارى قابىلداپ جاتقان شارالار تۋرالى ايتتى.
بۇدان بولەك مەملەكەت باسشىسىنا ىشكى ىستەر مينيسترلىگىنىڭ بيۋروكراتيادان ارىلتۋ، سيفرلاندىرۋ جانە جۇمىس پروتسەسىن اۆتوماتتاندىرۋ، ىشكى راسىمدەردى وڭتايلاندىرۋ باعىتىندا اتقارىپ جاتقان قىزمەتى تۋرالى اقپارات بەرىلدى.
كەزدەسۋ قورىتىندىسى بويىنشا پرەزيدەنت ەلىمىزدەگى قۇقىقتىق ءتارتىپ پەن قوعامدىق قاۋىپسىزدىك دەڭگەيىن ودان ءارى ارتتىرۋعا، سونداي- اق كوشى- قون ماسەلەسىنە ءتيىمدى باقىلاۋ جۇرگىزۋگە باعىتتالعان ءبىرقاتار تاپسىرما بەردى.