ەلىمىزدە كاسىپكەرلىك سالاسىنداعى كەدەرگى ازايادى

None
استانا.قازاقپارات - ەلىمىزدە كاسىپكەرلىك سالاسىنىڭ دامۋىنا كەرى اسەرىن تيگىزىپ كەلگەن كەدەرگىلەر انىقتالدى.

جىل باسىنان بەرى ولارعا قاتىستى زاڭسىز 400 قىلمىستىق ءىس قوزعالىپ، 35 مىڭ بيزنەسمەنگە 1,5 ميلليارد تەڭگە اكىمشىلىك ايىپپۇل سالىنعان. سونىمەن قاتار مونوپوليستەر بەرىلگەن مۇمكىندىكتى پايدالانىپ باعانى نەگىزسىز ءوسىرۋ دەرەگى دە جيىلەگەن.

ماسەلەن، تەمىرجولدىڭ توڭىرەگىندە 300 دەن استام تۇيىعى بار كومپانيا قىزمەت كورسەتۋ ءتاريفىن 13-14 ەسەگە دەيىن نەگىزسىز كوتەرگەن. 4 مىڭداي كاسىپكەر تەمىرجولمەن ءجۇرىپ ءوتۋ قۇنىن شامادان كوپ مولشەردە تولەۋگە ءماجبۇر بولعان. اتالعان دەرەكتى باس پروكۋراتۋرا انىقتاپ، قىلمىستىق قۋدالاۋ ورگاندارىنا ارنايى نۇسقاما جىبەرىلگەن. ناتيجەسىندە مىڭداعان كاسىپ يەلەرىنىڭ قۇقىعى قورعالدى. بۇل جونىندە بيزنەس وكىلدەرىنىڭ پروكۋراتۋرا ورگاندارىمەن كەزدەسۋ كەزىندە بەلگىلى بولدى. جيىنعا پارلامەنت دەپۋتاتتارى، كاسىپكەرلىك پالاتا مەن بيزنەس وكىلدەرى قاتىسىپ، سالانى دامىتۋعا قاتىستى ۇسىنىستارىن ورتاعا سالدى.

فورۋمدا سالاداعى پروبلەمالاردى جۇيەلى تۇردە شەشۋ باعىتىندا 2023 -جىلعا ارنالعان كەشەندى جوسپارعا قول قويىلدى.

جاندوس ومىراليەۆ، ق ر باس پروكۋرورىنىڭ ورىنباسارى:

- نۇسقاۋعا قىركۇيەك ايىندا قول قويىلدى. ءبىز ءتيىستى سارالاۋ وتكىزدىك. كۇنىنە 4-5 قىلمىستىق ءىس قوزعالىپ تۇرعان. وسى نۇسقاۋلىققا دەيىن كاسىپكەرلەرگە قاتىستى. بۇگىنگى تاڭدا ارى كەتسە ءبىر عانا قىلمىستىق ءىس قوزعالىپ جاتىر. كوبىنەسە قوزعالعان قىلمىستىق ىستەردىڭ بارلىعى وسى نۇسقاۋعا دەيىن. ولار تەرگەۋدىڭ ناتيجەسىمەن ءىستىڭ قۇرامىندا قىلمىس بەلگىلەرى بولماۋىنا بايلانىستى قىسقارىپ وتىرعان. بۇل دەگەنىڭىز تەرگەۋشىنىڭ ۋاقىتى، كاسىپكەردىڭ ۋاقىتى، جالپى قاجەت ەمەس، ەشكىمگە قاجەتى جوق جۇمىس. ءبىر مىڭنان استام قىلمىستىق ىستەر قوزعالىپ، ناتيجەسىندە قىسقارتىلعان.

www.24.kz

سوڭعى جاڭالىقتار