پوليتسيا تورەعالي ءتورالىنىڭ ۇستىنەن تەكسەرىس باستادى

قونايەۆ. قازاقپارات - الەۋمەتتىك جەلىدە تاراعان ۆيدەودا ەر جىگىت وزىنە ءانشى تورەعالي ءتورالى تاپ بەرىپ، قاباعىن جارعانى تۋرالى ايتادى، دەپ حابارلايدى قازاقپارات ءتىلشىسى.

ۆيدەو كادرلارىنان قاباعى جارىلعان جىگىتتىڭ قاسىنان ءبىر توپ ادامدى كورۋگە بولادى. ولار تورەعالي ءتورالىنىڭ جاس جىگىتكە قول كوتەرگەنىن كۋاگەر رەتىندە ءبىراۋىزدان راستايتىنىن ايتادى.

الماتى وبلىستىق پوليتسيا دەپارتامەنتىنىڭ باسپا ءسوز قىزمەتى بۇل جايتقا قاتىستى تومەندەگىدەي تۇسىنىك بەردى.

«قازىر اتالعان فاكتىگە قاتىستى تەكسەرۋ جۇرگىزىلىپ جاتىر. الماتى وبلىسى پوليتسياسىنىڭ تاپسىرماسىمەن بۇل ىسپەن كەگەن اۋدانىنىڭ پوليتسياسى اينالىسۋدا. ءىس وبلىستىق پوليتسيانىڭ باقىلاۋىنا الىندى»، - دەلىنگەن ۆەدومستۆو حابارلاماسىندا.

ايتا كەتۋ كەرەك، وقيعا كولسايدا بولعان.