ەندى قازاقستاندىقتار جول-كولىك اپاتىن وزدەرى تىركەي الادى

None
استانا. قازاقپارات - قازاقستاندا جول-كولىك وقيعالارى كەزىندە پوليتسيا مەن سوت قىزمەتكەرلەرىنىڭ قاتىسۋىنسىز قۇجاتتاردى جەڭىلدەتىلگەن راسىمدەۋ (ەۋروپروتوكول) تەتىگى ەنگىزىلەدى، دەپ حابارلايدى قازاقپارات ءتىلشىسى.

بۇل وزگەرىستەر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ نارىعىن جانە باعالى قاعازدار نارىعىن رەتتەۋ مەن دامىتۋ بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جازىلعان.

«زاڭنىڭ ماڭىزدى جاڭالىقتارىنىڭ ءبىرى ەۋروحاتتامانى ەنگىزۋ. «ەۋروحاتتاما» - پوليتسيا مەن سوت قىزمەتكەرلەرىنىڭ قاتىسۋىنسىز جول-كولىك اپاتى تۋرالى قۇجاتتاردى جەڭىلدەتىلگەن راسىمدەۋ. ەۋروحاتتامانىڭ نەگىزىن قالاۋشى فرانسيا، بۇل جۇيە گەرمانيا، بەلگيا، گرەتسيا، يتاليا، پورتۋگاليا، يسپانيا جانە باسقا ەلدەردە كەڭ تارالعان. ت م د ەلدەرىندە ەۋروحاتتاما رەسەي، بەلورۋسسيا، ۋكراينا، ارمەنيا، وزبەكستاندا ەنگىزىلگەن»، - دەدى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ماريا حادجيەۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

زاڭ جوباسىندا ەۋروحاتتاما مىناداي شارتتار ساقتالعان كەزدە قولدانىلادى دەپ كوزدەلگەن:

− جول- كولىك اپاتىنا تەك ەكى كولىك قۇرالى قاتىسقاندا؛

− جول-كولىك اپاتى كەزىندە ادامداردىڭ ءومىرى مەن دەنساۋلىعىنا زيان كەلمەسە، ءۇشىنشى تۇلعالاردىڭ مۇلكى زارداپ شەكپەگەندە؛

− جول-كولىك اپاتى قاتىسۋشىلارىندا مىندەتتى اۆتوساقتاندىرۋدىڭ قولدانىستاعى ءپوليسى بولعاندا؛

− جول-كولىك اپاتى سالدارىنان كىنالى جانە زارداپ شەگۋشى بويىنشا تاراپتاردىڭ كەلىسىمى بولعاندا؛

− زالال سوماسى بەلگىلەنگەن 100 ا ە ك ليميتى شەگىندە تاراپتاردىڭ كەلىسىمى بولعاندا.

«وسى شارتتارىن ساقتاعان جاعدايدا قاتىسۋشىلار پوليتسيا قىزمەتكەرلەرىن تارتپاي دەربەس راسىمدەيدى جانە ج ك و- نىڭ كىنالى تاراپىن انىقتاۋ ءۇشىن سوت شەشىمى تالاپ ەتىلمەيدى. وسىلايشا، قازاقستاندا اۆتوساقتاندىرۋ بويىنشا ساقتاندىرۋ جاعدايىن رەتتەۋدىڭ جەڭىلدەتىلگەن ءتارتىبىن ەنگىزۋ ج ك و- نى جەدەل رەسىمدەۋدى جانە ءموبيلدى قوسىمشانىڭ كومەگىمەن ساقتاندىرۋ تولەمدەرىن الۋدى قامتاماسىز ەتۋگە مۇمكىندىك بەرەدى»، - دەدى م. حادجيەۆا.


سوڭعى جاڭالىقتار