زاڭ بۇزعان كاسىپكەردى تۇرمەگە قاماماي، ەسەلەنگەن ايىپپۇلمەن جازالاۋ كەرەك - رۋستام ءجۇرسىنوۆ
«ءبىز جازىقتى كاسىپكەرلەردى تۇرمەگە قاماۋدان گورى ايىپپۇل ارقىلى كوبىرەك جازالاۋ كەرەك دەپ سانايمىز. زاڭدى بۇزعان ەكەن، زيان كەلتىرگەن ەكەن - قىلمىستىق جولمەن تاپقان پايداسىنان ەكى-ءۇش ەسە كوپ ايىپپۇل تولەسىن. ەسەسىنە كاسىپكەر بيزنەستى اباقتىعا ايىرباستاماي، جۇمىس ورىندارىن ساقتايدى، سالىق تولەپ، قوعام مەن مەملەكەتكە پايدا اكەلەدى»، - دەدى ۋاكىل پروكۋراتۋرا ورگاندارىنىڭ كاسىپكەرلەرمەن كەزدەسۋىندە.
ايتۋىنشا، مۇنداي ۇسىنىس كاسىپكەرلەردەن تۇسكەن كورىنەدى.
«وڭىرلەرگە بارعاندا بيزنەس وكىلدەرى جەمقورلار نەگە ايىپپۇلمەن قۇتىلىپ، كاسىپكەرلەردىڭ تۇرمەگە قامالىپ جاتقانىن سۇرايدى. نە دەپ جاۋاپ بەرەرىمىزدى بىلمەيمىز. سوندىقتان، ءبىز جاۋاپكەرشىلىكتىڭ قارجىلىق تەتىكتەرىن دامىتۋدى ۇسىنامىز. جازانىڭ بالاما تۇرلەرىن ەنگىزۋ كەرەك. ەڭ اۋەلى، بىرنەشە ەسەلەنگەن ايىپپۇل سالىنسىن. سول ايپپىۇلدى تولەمەگەن جاعدايدا عانا باس بوستاندىعىنان ايىرۋ كەرەك»، - دەدى رۋستام ءجۇرسىنوۆ.