قازنەتكە بىرنەشە كۇن بويى تولاسسىز كيبەرشابۋىل جاسالىپ جاتىر
«مەملەكەتتىك تەحنيكالىق قىزمەت» بۇگىن تاڭەرتەڭ قازنەتكە اۋقىمدى كيبەرشابۋىلدىڭ تاعى دا تىركەلگەنىن حابارلايدى. مۇنداي جايت ەلىمىزدىڭ بارلىق وڭىرىندەگى ينتەرنەتكە قوسىلۋ جۇمىسىنا كەرى اسەرىن تيگىزەدى. قازىرگى ۋاقىتتا «مەملەكەتتىك تەحنيكالىق قىزمەت» ا ق تەحنيكالىق ماماندارى قاۋىپ-قاتەردى جويۋ جۇمىستارىن جۇرگىزىپ جاتىر»، - دەلىنگەن اتالعان قىزمەتتىڭ Instagram پاراقشاسىندا جاريالانعان اقپاراتتا.
ەسكە سالا كەتەيىك، ينتەرنەتتىڭ قازاقستاندىق بولىگىنە بىرنەشە كۇننەن بەرى كيبەرشابۋىل جاسالىپ جاتىر.
ماقساتتى كيبەرشابۋىلدار ەلدىڭ مەملەكەتتىك ورگاندارىنا دا، قازنەت ينفراقۇرىلىمىنا دا باعىتتالعان.
ونىڭ سالدارىنان ينتەرنەتكە قوسىلۋدا كىدىرىس ورىن بولىپ جاتىر. «م ت ق» ا ق ۇزاق مەرزىمدى كيبەرشابۋىلدار ەلدە جانە الەمدە بولىپ جاتقان قوعامدىق وقيعالارعا بايلانىستى دەپ بولجايدى.
قازاقپارات بۇعان دەيىن كومپانيانىڭ بايلانىس وپەراتورلارىمەن بىرلەسىپ، جۇيەنى وڭتايلاندىرۋ باعىتىندا تەحنيكالىق جۇمىستار جۇرگىزىپ جاتقانىن حابارلاعان.