ەگەر پرەزيدەنت سەنىم ارتسا، سەنىمدى وكىل بولۋعا دايىنمىن - ماۋلەن اشىمبايەۆ
ايتا كەتەيىك، 2019 -جىلى م. اشىمبايەۆ سايلاۋ كەزىندە قاسىم-جومارت توقايەۆتىڭ سەنىمدى وكىلى بولعان ەدى. وسى ورايدا بۇگىن پالاتانىڭ جالپى وتىرىسىنان كەيىن تىلشىلەر سەنات ءتوراعاسىنان بيىلعى سايلاۋدا قايتادان سەنىمدى وكىل بولۋى مۇمكىندىگى تۋرالى سۇرادى.
«ەگەر مەملەكەت باسشىسى قاسىم-جومارت كەمەل ۇلى سەنىمدى وكىل بولۋىما جانە باسقا دا وكىلدىرمەن بىرگە سايلاۋ ناۋقانىنا قاتىسۋىما سەنىم ارتسا، وندا بۇل قىزمەتتى اتقارۋعا دايىنمىن. بۇل ءىس- شارالار زاڭ اياسىندا وتكىزىلەدى»، - دەدى م. اشىمبايەۆ.
سەنات ءتوراعاسى زاڭنامادا سەنىمدى وكىلدىڭ مىندەتتەرى تولىق قامتىلعانىن ايتتى.
«بۇل نورمالار زاڭدا ەسكەرىلگەن. ەگەر وسىنداي مىندەت جۇكتەلسە، سايلاۋ ناۋقانىنا بەلسەندى تۇردە قاتىسىپ، قاسىم-جومارت كەمەل ۇلىنىڭ سايلاۋ الدىنداعى باعدارلاماسىنىڭ نەگىزگى تەزيستەرىن ازاماتتار مەن قوعامعا جەتكىزەمىن»، - دەدى م. اشىمبايەۆ.