پرەزيدەنت رەسپۋبليكا كۇنىن ۇلتتىق مەرەكە رەتىندە بەلگىلەيتىن زاڭعا قول قويدى
29 قىركۇيەك, 13:15

پرەزيدەنت رەسپۋبليكا كۇنىن ۇلتتىق مەرەكە رەتىندە بەلگىلەيتىن زاڭعا قول قويدى

استانا. قازاقپارات - مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كينەماتوگرافيا، مادەنيەت جانە مەرەكەلەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى قازاقپارات.

زاڭ ءماتىنى باسپا سوزدە جاريالانادى.

ەسكە سالا كەتەيىك، تاياۋدا سەنات دەپۋتاتتارى 25- قازاندى رەسپۋبليكا كۇنى ۇلتتىق مەرەكەسى رەتىندە بەلگىلەپ، تۇڭعىش پرەزيدەنت كۇنىن مەملەكەتتىك مەرەكە قاتارىنان الىپ تاستاۋعا باعىتتالعان زاڭدى قابىلداعان ەدى.

بۇل نورما «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كينەماتوگرافيا، مادەنيەت جانە مەرەكەلەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان.

وسى ورايدا «قازاقستان رەسپۋبليكاسىنداعى مەرەكەلەر تۋرالى» زاڭعا 25- قازان - رەسپۋبليكا كۇنى ۇلتتىق مەرەكە جانە 16- جەلتوقسان - تاۋەلسىزدىك كۇنى مەملەكەتتىك مەرەكە بولىپ بەلگىلەنەتىن وزگەرىستەر ەنگىزۋ قاراستىرىلعان.

سونداي- اق 1- جەلتوقسان - تۇڭعىش پرەزيدەنت كۇنىن مەملەكەتتىك مەرەكەلەر تىزىمىنەن الىپ تاستاۋ ۇسىنىسىنا قولداۋ جاسالدى.

رەداكتور

جانات قاپالبايەۆا


جاڭالىقتار