قازاقستان كومىرى ەۋروپاعا ەكسپورتتالىپ جاتىر
29 قىركۇيەك, 12:44

قازاقستان كومىرى ەۋروپاعا ەكسپورتتالىپ جاتىر

استانا. قازاقپارات - قازاقستان كومىرى رەسەي ارقىلى ەۋروپاعا جەتكىزىلىپ جاتىر. بۇل تۋرالى پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين ايتتى، دەپ حابارلايدى قازاقپارات ءتىلشىسى.

«وتكەن اپتادا ماسكەۋدە بولىپ، رەسەيلىك ارىپتەستەرىممەن كەزدەستىم. قازاقستان كومىرىن رەسەي ارقىلى ترانزيتپەن ەۋروپاعا جىبەرۋدى ۋاعدالاستىق. وسى ورايدا، 500 مىڭ توننا كومىر جونەلتىلمەك. اتاپ ايتقاندا، وسى ماسەلە شەشىمىن تاۋىپ وتىر»، - دەدى س. جۇمانعارين سەناتتا تىلشىلەر ساۋالىنا جاۋاپ بەرىپ.

بۇل تۇرعىدا ول ەلىمىزدىڭ كومىرى ەۋروپاعا ساتىلىپ جاتقانىن اتاپ ءوتتى.

«ىشكى نارىقتى قامتاماسىز ەتۋ ءۇشىن كومىر جەتكىلىكتى، سوندىقتان ەكسپورتتى كوبەيتۋ كەرەك. ەۋروپاعا كومىردى ERG كومپانياسى جەتكىزەتىن بولادى»، - دەدى مينيستر.

اۆتور

رۋسلان عابباسوۆ


جاڭالىقتار