رەسەيدەن قازاقستانعا وتە الماي تۇرعان ەل ازاماتتارىنا جاسىل ءدالىز اشىلادى
سوڭعى كۇندەرى رەسەيلىكتەردىڭ قازاقستانعا قاراي اعىلۋى سالدارىنان شەكارادا تۇرىپ قالعان ەلىمىزدىڭ ازاماتتارىنا كومەك كورسەتىلمەك.
«كەشە عانا رەسەي فەدەراتسياسىنداعى ۆيتسە- پرمەر ارىپتەسىممەن كەلىسسوز جۇرگىزدىم. ويتكەنى شەكارانىڭ ارعى بەتىنەن بەرى قاراي وتە الماي تۇرعان قازاقستان ازاماتتارى دا بار. وسى ورايدا ازىق- تۇلىك تيەلگەن كولىكتەرگە قاتىستى ر ف جاعىمەن ۋاعدالاستىق جاسالدى. بۇل ماسەلە بويىنشا ءتيىستى ءتارتىپ ەنگىزىلمەك، ياعني بۇگىن ەكى ەلدىڭ شەكارا قىزمەتتەرى ءوزارا كەلىسىپ، ءتيىستى ارەكەتتەر جاسايدى. سوندىقتان ءبىزدىڭ ازاماتتار مەن ازىق- تۇلىك تيەلگەن كولىكتەر ءۇشىن «جاسىل ءدالىزدى» قامتاماسىز ەتۋگە تىرىسامىز»، - دەدى س. جۇمانعارين سەناتتا تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، قازاقستان ازاماتتارىنا ارنالعان اتالعان ءدالىز بۇگىن نەمەسە ەرتەڭ اشىلادى.
«رەسەي ۇكىمەتى وزدەرىنىڭ شەكاراشىلارىنا ءتيىستى تاپسىرما بەردى. ءبىز دە شەكارا قىزمەتىنە وسى ءتارتىپ جايىندا تۇسىندىرەمىز. قازان ايى باستالعانعا دەيىن بۇل ماسەلە شەشىلەدى»، - دەدى مينيستر.
اۆتور
رۋسلان عابباسوۆ