تالدىقورعان قالاسىندا ەكى جاسار بالانى كولىك قاعىپ، مەرت قىلدى
29 قىركۇيەك, 12:02

تالدىقورعان قالاسىندا ەكى جاسار بالانى كولىك قاعىپ، مەرت قىلدى

تالدىقورعان. قازاقپارات - تالدىقورعان قالاسىندا ەكى جاسار بالا كولىك دوڭگەلەگىنىڭ استىنا ءتۇسىپ قالدى، دەپ حابارلايدى قازاقپارات Polisia.kz سايتىنا سىلتەمە جاساپ.

جانتۇرشىگەرلىك جول اپاتى 28- قىركۇيەك كۇنى كۇندىز شىعىس شاعىن اۋدانىنداعى سەڭگىربايەۆ كوشەسىندە بولدى. الدىن الا انىقتالعانداي، بالا ءۇيىنىڭ ماڭىنداعى جولدا ويناپ جۇرگەندە 38 جاستاعى ەر ادام «Toyota Cresta» ماركىلى كولىگىمەن قاعىپ كەتكەن. وقيعانىڭ سالدارىنان ءسابي مەرت بولدى.

پاترۋلدىك پوليتسيا ۆزۆودىنىڭ كومانديرى ەلدوس تاۋىربەكوۆ اتا- انالارعا بالالارىن مۇقيات قاداعالاپ، جۇرگىزۋشىلەرگە، ەلدى مەكەندەر اراسىندا جىلدامدىقتى قاتاۋ ساقتاۋدى ەسكەرتتى.

رەداكتور

ايدار وسپاناليەۆ


جاڭالىقتار