ەلىمىزگە نەگىزىنەن قىتاي، ءۇندىستان، تۇركيا جانە وزبەكستاننان جۇمىسشىلار كوپ كەلەدى
شەتەل جۇمىس كۇشىن تارتۋعا رۇقساتتىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 594 رۇقسات (ءبىرىنشى سانات)، قۇرىلىمدىق بولىمشە باسشىلارى ءۇشىن 3901 رۇقسات (ەكىنشى سانات).
تارتىلعان ەڭبەك كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە ولار 8894 جانە 911 ادام.
سونداي- اق ماۋسىمدىق جۇمىستارعا 1430 ادام، ال كورپوراتيۆتىك اۋىستىرۋ اياسىندا 1604 ادام تارتىلدى.
قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1748 جۇمىس بەرۋشى بار.
وندا 400 مىڭنان استام قازاقستان ازاماتى جۇمىس ىستەيدى، بۇل - قىزمەتكەرلەردىڭ جالپى سانىنىڭ % 96.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا - 6139 ادام (40 پايىز)؛ تاۋ- كەن ونەركاسىبى جانە كارەر قازۋ - 1489 ادام (%10)؛ اۋىل، ورمان جانە بالىق شارۋاشىلىعى - 1256 ادام (%8)؛ كاسىبي، عىلىمي جانە تەحنيكالىق قىزمەت - 1158 ادام (%8)؛ وڭدەۋ ونەركاسىبى - 1154 ادام (8%).
ەڭبەك ميگرانتتارى كەلەتىن نەگىزگى ەلدەر: قىتاي - 3576 ادام، ءۇندىستان - 1740 ادام، تۇركيا - 1701 ادام، وزبەكستان - 1535 ادام، ۇلى بريتانيا - 1127 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى.
وسى جىلعى قاڭتاردا ءىرى وتاندىق بيزنەس وكىلدەرىمەن كەزدەسۋ قورىتىندىسى بويىنشا مەملەكەت باسشىسىنىڭ بەرگەن تاپسىرماسىن ورىنداۋ ءۇشىن مينيسترلىك شەتەل جۇمىس كۇشىن تارتۋعا ارنالعان كۆوتانى بۇرىن جوسپارلانعان 28352 بىرلىكتەن 23560 بىرلىككە دەيىن، ياعني 4792 ادامعا (16پايىز) قىسقارتتى.
رەداكتور
جانات قاپالبايەۆا