قىتايلىق عالىمدار ەڭ قۋاتتى تۇراقتى ماگنيت ءورىسىن قۇرۋعا دايىن
29 قىركۇيەك, 09:38

قىتايلىق عالىمدار ەڭ قۋاتتى تۇراقتى ماگنيت ءورىسىن قۇرۋعا دايىن

بەيجىڭ. قازاقپارات - حۋاجوڭ عىلىمي- تەحنيكالىق ۋنيۆەرسيتەتىنىڭ ينجەنەرلەرى وسى اپتادا قىتايدىڭ ۋحان قالاسىندا (حۋبي پروۆينسياسى، ورتالىق قىتاي) زەرتتەۋ ءۇشىن اۋىر ماگنيت جاساي باستادى.

جوبالانعان قوندىرعى 110 تەسلا كۇشىمەن قىسقا ماگنيت ءورىسىن شىعارادى، دەپ حابارلايدى قازاقپارات مەنشىكتى ءتىلشىسى SCMP- قا سىلتەمە جاساپ.

حابارلامادا ايتىلعانداي، اۋىر ماگنيتتىك قوندىرعىنىڭ قۇرىلىسى بەس جىلعا سوزىلادى جانە 2 ميلليارد يۋاننان استام قارجىنى تالاپ ەتەدى (شامامەن 276 ميلليون دوللار).

باسىلىمنىڭ جازۋىنشا، الەۋەتتى پايدالانۋشىلار جوبالانعان ماگنيتپەن ەكسپەريمەنتتەر جۇرگىزۋ ءۇشىن كەزەككە تۇرا باستاعان. ولارعا جاڭا اسقىن وتكىزگىشتەر مەن جارتىلاي وتكىزگىشتەردى جاساپ شىعاراتىن عالىمدار، سونداي-اق 6G بايلانىس تەحنولوگياسىنىڭ كەلەسى بۋىنىمەن اينالىساتىن زەرتتەۋشىلەر كىرەدى.

بۇعان دەيىن حابارلانعانداي، حەفەيدەگى (انحوي پروۆينسياسى) قىتاي عىلىم اكادەمياسىنىڭ تەحنيكالىق ماگنيتى تامىز ايىندا 45,22 تەسلا بولاتىن ماگنيت ءورىسىن تۋدىردى.

2018 -جىلى جاپوندىق زەرتتەۋ توبى 1200 تەسلا كۇشىمەن رەكوردتىق ماگنيت ءورىسىن جاساعان، ءبىراق تەك 40 ميكروسەكۋند ىشىندە. ەكسپەريمەنت ناتيجەسىندە ماگنيتتىك قوندىرعىنىڭ ءبىر بولىگى جارىلدى.

جاڭالىقتار